కౌంటింగ్ కు పటిష్ట బందోబస్తు ట్రాఫిక్ మళ్లింపు

ఉదయగిరి,మేజర్ న్యూస్ :   ఉదయగిరి మేకపాటి గౌతంరెడ్డి ప్రభుత్వ వ్యవసాయ కళాశాలలో శనివారం నిర్వహించనున్న ఎంపీటీసీ, జడ్పీటీసీ ఎన్నికల కౌంటింగ్కు పటిష్ట బందోబస్తు ఏర్పాటు చేసినట్లు ఉదయగిరి సర్కిల్ ఎన్నికల ఇన్చార్జి డీఎస్పీ వేమారెడ్డి, ఉదయగిరి సీఐ అంకమరావు లు పేర్కొన్నారు. ఈ సందర్భంగా వారు మాట్లాడుతూ ఎం పీటీసీ స్థానానికి సంబంధించి అభ్యర్థితోపాటు ఇద్దరు, జడ్పీటీసీ స్థానానికి సంబంధించి అభ్యర్థితోపాటు ఐదు మందిని అనుమతించడం జరుగుతుందన్నారు. అభ్యర్థులు, ఏజెంట్లు కళాశాలకు పడమటి వైపునున్న గేటు ద్వారా లోనికి రావాలన్నారు. వాహనాలను గేటు బయటే ఫార్కింగ్ చేసేలా ఏర్పాట్లు చేశామన్నారు. అలాగే ఒక డీఎస్పీతో ముగ్గురు సీఐలు, 13 ఎస్ఐలు, 120 మంది సిబ్బందితో పటిష్టమైన బందోబస్తు ఏర్పాటు చేశామని వారు తెలిపారు.

ట్రాఫిక్ మళ్లింపు : ఎంపీటీసీ, జడ్పీటీసీ ఎన్నికల కౌంటింగ్ దృష్ట్యా ట్రాఫిక్ ఆంక్షలు విధించడం జరిగిందన్నారు.  ఉదయగిరి-సీతారామపురం పాత రహదారి మార్గంలో కౌంటింగ్ వచ్చే అభ్యర్థులు, ఉద్యోగులు, ఏజంట్లకు మినహా మిగిలిన వారికి ప్రవేశం ఉండదన్నారు. సీతారామపురం వెళ్లేవార అక్కడ నుంచి ఉదయగిరికి వచ్చేవారు 167-బీజీ జాతీయ రహదారి మీదుగా రాకపోకలు సాగించాలన్నారు. ఈ విషయాన్ని వాహనదారులు గుర్తించి సహకరించాలని వారు కోరారు. ఈ కార్యక్రమంలో ఎస్ఐలు సుభాషిణి, శ్రీను తదితరులు పాల్గొన్నారు.