వరి ధాన్యం కొనుగోలు చేయాలని రైతుల ఆందోళన

సూర్య- బిక్కనూర్ : ప్రభుత్వం వరి ధాన్యాన్ని వెంటనే కొనుగోలు చేయాలని డిమాండ్ చేస్తూ గురువారం మండలంలోని కంచర్ల గ్రామంలో మాజీ గ్రామ ఉపసర్పంచ్ శ్రీనివాస్ గౌడ్ ఆధ్వర్యంలో రైతులు ఐకెపి కొనుగోలు కేంద్రం వద్ద ఆందోళన నిర్వహించారు. ఈ సందర్భంగా వారు మాట్లాడుతూ కొనుగోలు కేంద్రాలను ప్రారంభించి నెల రోజులు గడుస్తున్న ఇప్పటివరకు ధాన్యాన్ని ఎందుకు కొనుగోలు చేయడం లేదు ప్రభుత్వం చెప్పాలని డిమాండ్ చేశారు. ధాన్యాన్ని కొనుగోలు చేయకపోవడం వల్ల రైతులు తీవ్రంగా నష్టపోతున్నారని, ఇప్పటికైనా వెంటనే కొనుగోలను ప్రారంభించాలని ఆయన డిమాండ్ చేశారు. ఈ కార్యక్రమంలో రైతులు పాల్గొన్నారు