telangana
తోటకూర వజ్రేష్ యాదవ్ కు జన్మదిన శుభాకాంక్షలు తెలిపిన తుంకి రమేష్
శామీర్‌పేట,మేజర్ న్యూస్ :మేడ్చల్–మల్కాజిగిరి జిల్లా కాంగ్రెస్ పార్టీ అధ్యక్షుడు, మేడ్చల్ నియోజకవర్గ కాంగ్రెస్ పార్టీ ఇన్‌ఛార్జ్ తోటకూర వజ్రేష్ యాదవ్ జన్మదిన వేడుకలు సోమవారం బోడుప్పల్‌లోని దేవి కన్వెన్షన్‌లో ఘనంగా నిర్వహించారు.ఈ సందర్భంగా అలియాబాద్ మున్సిపాలిటీ కాంగ్రెస్ పార్టీ అధ్యక్షుడు తుంకి రమేష్, కాంగ్రెస్ పార్టీ నాయకులతో కలిసి తోటకూర వజ్రేష్ యాదవ్‌ను శాలువాతో సత్కరించి, పుష్పగుచ్ఛం అందజేసి హృదయపూర్వక జన్మదిన శుభాకాంక్షలు తెలిపారు.ఈ సందర్భంగా పలువురు నాయకులు మాట్లాడుతూ.. తోటకూర వజ్రేష్ యాదవ్ ప్రజా జీవితంలో మరిన్ని ఉన్నత శిఖరాలను అధిరోహిస్తూ, ప్రజాసేవలో నిరంతరం ముందుండాలని ఆకాంక్షించారు. ఆయురారోగ్యాలు, సుఖసంతోషాలతో నిండు నూరేళ్లు జీవించాలని, భవిష్యత్తులో మరింత ఉన్నత స్థాయికి ఎదిగి ప్రజల మన్ననలు పొందాలని మనస్ఫూర్తిగా శుభాకాంక్షలు తెలిపారు.ఈ కార్యక్రమంలో పలువురు కాంగ్రెస్ పార్టీ నాయకులు, కార్యకర్తలు పాల్గొన్నారు.
