శ్రీ కోదండ రామాలయ హుండీ లెక్కింపు

సూర్య. బీర్కూర్ : బీర్కూర్ మండల కేంద్రంలోని శ్రీ కోదండ రామాలయంలో హుండీ లెక్కింపు కార్యక్రమాన్ని శనివారం భక్తుల సమక్షంలో నిర్వహించారు. ఆలయ ప్రాంగణంలో హుండీని తెరిచి భక్తులు సమర్పించిన కానుకలను ఆలయ కమిటీ సభ్యులు లెక్కించారు.ఈ హుండీ లెక్కింపులో మొత్తం రూ.49,920 నగదు, నాలుగున్నర గ్రాముల వెండి లభించినట్లు ఆలయ కమిటీ అధ్యక్షుడు కొల్లి గాంధీ తెలిపారు. భక్తులు సమర్పించిన కానుకలతో ఆలయ అభివృద్ధి కార్యక్రమాలను మరింతగా చేపట్టనున్నట్లు తెలిపారు.ఈ కార్యక్రమంలో మేకల విట్టల్, రఘు,విజయ ప్రకాష్, పెండ్యాల శ్రీకాంత్, యాట వీరేశం, రాజేశ్వర్ రావు, పీరయ్య, బాలయ్యతో పాటు పలువురు భక్తులు పాల్గొన్నారు.