సీఎం బహిరంగ సభ నేపథ్యంలో ట్రాఫిక్ ఆంక్షలు.. ప్రత్యామ్నాయ మార్గాల్లోనే ప్రయాణించాలి: ఎస్పీ స్నేహ మెహ్రా
దుద్యాల, మేజర్ న్యూస్:నెేడు సీఎం రేవంత్ రెడ్డి బొంరాస్‌పేట్ మండలం తుంకిమెట్ల నుంచి దుద్యాల మండలం హకీంపేట్ వెళ్లే మార్గంలో బహిరంగ సభ నిర్వహించనున్న నేపథ్యంలో వాహనదారులు ట్రాఫిక్ మళ్లింపు సూచనలు తప్పనిసరిగా పాటించాలని జిల్లా ఎస్పీ స్నేహ మెహ్రా, ఐపీఎస్ సూచించారు.సభకు పెద్ద సంఖ్యలో ప్రజలు హాజరయ్యే అవకాశం ఉండటంతో తుంకిమెట్ల–హకీంపేట్ ప్రధాన రహదారిపై ట్రాఫిక్ రద్దీ ఏర్పడే అవకాశముందని తెలిపారు. ఈ నేపథ్యంలో వాహనదారులకు ఇబ్బందులు కలగకుండా పోలీసు శాఖ ప్రత్యామ్నాయ మార్గాలను సూచించింది.
ట్రాఫిక్ మళ్లింపు మార్గాలు: కోస్గి నుంచి పరిగి వెళ్లే వాహనదారులు కొడంగల్ మీదుగా పరిగికి చేరుకోవాలి. అదేవిధంగా పరిగి నుంచి కోస్గి వెళ్లే వాహనదారులు కూడా కొడంగల్ మీదుగానే ప్రయాణించాలని ఎస్పీ సూచించారు.వాహనదారులు ముందుగానే తమ ప్రయాణాలను ప్రణాళిక చేసుకొని, సూచించిన ప్రత్యామ్నాయ మార్గాలను వినియోగించుకోవాలని కోరారు. ప్రజలు పోలీసు శాఖకు సహకరించి ట్రాఫిక్ మళ్లింపు నిబంధనలు పాటించాలని, విధుల్లో ఉన్న పోలీసు సిబ్బంది సూచనలను తప్పనిసరిగా అనుసరించాలని జిల్లా ఎస్పీ స్నేహ మెహ్రా విజ్ఞప్తి చేశారు.
