సమస్యలు పరిష్కరించకపోతే ప్రభుత్వంపై పోరాటమే

సూర్య, హుజురాబాద్ :రాష్ట్ర ప్రభుత్వం రిటైర్డ్ ఉద్యోగులకు ఇచ్చిన హామీని పెడ చెవిన పెట్టిన , దీర్ఘకాలిక సమస్యలు పరిష్కరించకపోతే ప్రభుత్వంపై రిటైర్డ్ ఉద్యోగులు పోరాటమేనని తెలంగాణ రాష్ట్ర ప్రభుత్వ రిటైర్డ్ ఉద్యోగుల సంఘం రాష్ట్ర అధ్యక్షులు పేరి వెంకట్ రెడ్డి అన్నారు. సోమవారం హుజురాబాద్ పట్టణంలో ఆయన విలేకరులతో మాట్లాడుతూ.... ప్రతి ఐదు సంవత్సరాలకు ఒకసారి ప్రభుత్వం ఇచ్చే పి ఆర్ సి ను ఇప్పటివరకు ప్రభుత్వం ప్రకటించలేదని అన్నారు రిటైర్మెంట్ బెనిఫిట్స్ ఇప్పటివరకు ఉద్యోగులకు అందడం లేదని అన్నారు. నూతన హెల్త్ కార్డు ఇవ్వడం బాగున్నప్పటికీ తమ అనారోగ్య సమస్యలను పరిష్కరించుకోవడం కోసం కార్పొరేట్ ఆసుపత్రులకు రిటైర్ ఉద్యోగులు వెళితే ఆసుపత్రులు సహకరించడం లేదని అన్నారు. ప్రభుత్వం మొండి వైఖరి అవలంబిస్తూ పిఆర్సి ని ప్రకటించకపోతే రిటైర్డ్ ఉద్యోగులంతా ప్రభుత్వంపై పోరాటానికి సిద్ధంగా ఉన్నారని అన్నారు. త్వరలోనే ఎమ్మెల్సీ ఎన్నికలు ఉన్నాయని ప్రభుత్వం ఉద్యోగులను మోసం చేస్తే ఉద్యోగులంతా ప్రభుత్వానికి వ్యతిరేకంగా ప్రచారం చేస్తామని అన్నారు. ఇప్పటికైనా రిటైర్డ్ ఉద్యోగుల సమస్యలను పరిగణలోకి తీసుకొని ప్రభుత్వం సమస్య పరిష్కారానికి చొరవ చూపాలని ఆయన డిమాండ్ చేశారు. ఈ సమావేశంలో రిటైర్డ్ ఉద్యోగుల సంఘం రాష్ట్ర ప్రధాన కార్యదర్శి ఎండి ఉస్మాన్ భాష, జిల్లా ప్రధాన కార్యదర్శి జాలి మహేందర్ రెడ్డి నాయకులు గంజి చేయవర్ధన్ నరెడ్ల రాజమణి, గోపాల్ రావు తదితరులు పాల్గొన్నారు.