రంగారెడ్డి జిల్లా కాంగ్రెస్ పార్టీ అధికార ప్రతినిధిగా ప్రవీణ్ రెడ్డి నియామకం

కర్మన్ ఘాట్, మేజర్ న్యూస్ : రంగారెడ్డి జిల్లా కాంగ్రెస్ పార్టీ అధికార ప్రతినిధిగా ఎల్బీనగర్ కాంగ్రెస్ పార్టీ సీనియర్ నాయకులు ప్రవీణ్ రెడ్డి నియమితులైన్నారు. ఈ సందర్భంగా కాంగ్రెస్ పార్టీ అధిష్ఠానానికి, తన నియామకానికి సహకరించిన పార్టీ నాయకులకు హృదయపూర్వక కృతజ్ఞతలు తెలిపారు.
తనపై నమ్మకం ఉంచి ఈ బాధ్యతను అప్పగించిన ముఖ్యమంత్రి అనుముల రేవంత్ రెడ్డి, పీసీసీ అధ్యక్షులు మహేష్ కుమార్ గౌడ్ , ఏఐపిసి చైర్మన్ మధు యాష్కీ గౌడ్ , టి పి సి సి అధికార ప్రతినిధి దరిపల్లి రాజశేఖర్ రెడ్డి , రంగారెడ్డి జిల్లా కాంగ్రెస్ అధ్యక్షురాలు పారిజాత రెడ్డి , మాజీ జిల్లా అధ్యక్షులు చల్లా నరసింహారెడ్డి లకు ప్రత్యేక ధన్యవాదాలు తెలిపారు. ఆయన మాట్లాడుతూ 
ప్రభుత్వం చేపడుతున్న అభివృద్ధి, సంక్షేమ కార్యక్రమాలను ప్రజల్లోకి తీసుకెళ్లడం, ప్రభుత్వ విధానాలపై ప్రతిపక్షాలు చేసే విమర్శలకు వాస్తవాలు, ఆధారాలతో సమాధానం ఇవ్వడం తన ప్రధాన బాధ్యత అని ప్రవీణ్ రెడ్డి పేర్కొన్నారు. కాంగ్రెస్ పార్టీ సిద్ధాంతాలను ప్రజలకు వివరించడంతో పాటు, ప్రజా సమస్యలను ప్రభుత్వం దృష్టికి తీసుకెళ్తూ పార్టీ బలోపేతానికి కృషి చేస్తానని తెలిపారు.తనపై పార్టీ నాయకత్వం ఉంచిన నమ్మకాన్ని నిలబెట్టుకుంటూ, క్రమశిక్షణతో ప్రజాసేవలో ముందుకు సాగుతానని ఆయన స్పష్టం చేశారు.