రీసర్వేకు రైతులు సహకరించాలి
రీసర్వేకు రైతులు సహకరించాలి
- భూభారతి సర్వేపై అవగాహన కల్పించిన అధికారులు
- సదస్సుకు హాజరైన అదనపు కలెక్టర్ చంద్రారెడ్డి, ఆర్డీవో శ్రీనివాస్
**మంచాల:* భూభారతి కార్యక్రమంలో భాగంగా చేపట్టనున్న భూముల రీసర్వేకు రైతులంతా సహకరించాలని జిల్లా అదనపు కలెక్టర్ చంద్రారెడ్డి సూచించారు. రీసర్వే ప్రక్రియపై రైతులకు అవగాహన కల్పించేందుకు గురువారం లింగంపల్లి గ్రామ రెవెన్యూ పరిధిలోని మనోహరబాద్ లో నిర్వహించిన అవగాహనా సదస్సుకు ఆయన ముఖ్య అతిథిగా హాజరయ్యారు. ఈ సందర్భంగా అయన మాట్లాడుతూ... భూముల సరిహద్దులు, విస్తీర్ణం, యాజమాన్య వివరాలను క్షేత్రస్థాయిలో పరిశీలించి రికార్డులను సరిచేసేందుకు రీసర్వే చేపడుతున్నట్లు తెలిపారు. రైతులు తమ భూములకు సంబంధించిన పట్టాదారు పాస్ పుస్తకాలు, ఇతర భూ పత్రాలను సిద్ధంగా ఉంచుకోవాలని సూచించారు. సర్వే సమయంలో తమ భూముల వివరాలను అధికారులకు తెలియజేస్తూ ప్రక్రియ సజావుగా జరిగేందుకు సహకరించాలన్నారు. భూ రికార్డుల్లో పారదర్శకత తీసుకురావడంతో పాటు భవిష్యత్తులో భూ వివాదాలు తలెత్తకుండా రీసర్వే ఉపయోగపడుతుందని పేర్కొన్నారు. కార్యక్రమంలో ఆర్డీవో శ్రీనివాస్ రెడ్డి , ఏడీ రాంరెడ్డి, తహసీల్దార్ ఎంవివి ప్రసాద్ రావు, సర్పంచ్ సంజీవ రెడ్డి, అధికారులు, రైతులు పాల్గొన్నారు.
✍️ఎర్ర లింగం, మేజర్ న్యూస్, మంచాల
