telangana
ప్రతి కుటుంబానికి ఆర్థిక భరోసా కల్పించడమే ఇందిరమ్మ బీమా లక్ష్యం
సూర్య, మందమర్రి: రాష్ట్ర ప్రభుత్వం ప్రతిష్టాత్మకంగా చేపట్టిన ఇందిరమ్మ కుటుంబ జీవిత బీమా పథకం పేద, మధ్యతరగతి కుటుంబాలకు ఆర్థిక భరోసా కల్పించే లక్ష్యంతో అమలు చేస్తున్నట్లు ప్రజాప్రతినిధులు, అధికారులు పేర్కొన్నారు. ఇందులో భాగంగా శుక్రవారం మండలంలోని పొన్నారం గ్రామంలో గ్రామ సర్పంచ్ పెంచాల మధు ఆధ్వర్యంలో ఇందిరమ్మ కుటుంబ జీవిత బీమా కార్యక్రమాన్ని నిర్వహించారు. ఈ కార్యక్రమానికి ముఖ్య అతిథులుగా జడ్పీ సీఈవో గణపతి, మండల ప్రత్యేక అధికారి అనిత, ఎంపీడీవో రాజేశ్వర్, ఎంపీఓ మహేష్ హాజరయ్యారు. ఈ సందర్భంగా ప్రభుత్వ సంక్షేమ పథకాలను అర్హులైన ప్రతి కుటుంబానికి చేరవేయడంలో ప్రజాప్రతినిధులు, అధికారులు సమన్వయంతో పనిచేయాల్సిన అవసరం ఉందని పేర్కొన్నారు. కుటుంబ పెద్దకు అనుకోని ప్రమాదం లేదా మరణం సంభవించినప్పుడు ఆ కుటుంబం ఆర్థికంగా ఇబ్బందులు పడకుండా బీమా పథకం భరోసాగా నిలుస్తుందనే ఆశాభావం వ్యక్తం చేశారు. ఈ కార్యక్రమంలో ఉపసర్పంచ్ పెంచాల అమృత రాజలింగు, గ్రామ కార్యదర్శి, వార్డు సభ్యులు, బ్లాక్ కాంగ్రెస్ అధ్యక్షుడు గందే రాంచందర్, ఆదిల్పేట సర్పంచ్ నెండుగురి పున్నం, మామిడిగట్టు సర్పంచ్ సుంకరి దివ్య సతీష్, చిర్రకుంట సర్పంచ్ రాంటెంకి శ్రీలత తిరుపతి, సారంగపల్లి సర్పంచ్ బచ్చలి రాములు, కాంగ్రెస్ మండల అధ్యక్షుడు కడారి జీవన్, కాంగ్రెస్ జిల్లా కార్యదర్శి బానోత్ నీలయ్య, మండల ఉపాధ్యక్షుడు మాస్ సంతోష్, కాంగ్రెస్ నాయకులు, కార్యకర్తలు, గ్రామ ప్రజలు పాల్గొన్నారు.