ఓబీసీ క్రిమిలేయర్‌పై సుప్రీంకోర్టు తీర్పు చారిత్రాత్మకంః ప్రభుత్వ విప్‌ వీహెచ్
సూర్య, తెలంగాణ బ్యూరో ప్రతినిధిః ఓబీసీ క్రిమిలేయర్ గుర్తింపుపై సుప్రీంకోర్టు ఇచ్చిన తీర్పును స్వాగతిస్తున్నానని మాజీ ఎంపీ వీ. హనుమంతరావు (వీహెచ్) అన్నారు. సుప్రీంకోర్టు ఎంతో మంచి నిర్ణయం తీసుకుందని, గత 20 ఏళ్లుగా తాను ఎదురుచూస్తున్న అంశంపై వెలువడిన ఈ తీర్పు పట్ల హృదయపూర్వక ధన్యవాదాలు తెలియజేస్తున్నానని పేర్కొన్నారు. తల్లిదండ్రుల జీతం లేదా ఆదాయాన్ని మాత్రమే ప్రాతిపదికగా తీసుకుని ఒక అభ్యర్థిని ఓబీసీ క్రిమిలేయర్ పరిధిలోకి చేర్చడం చట్టవిరుద్ధమని సుప్రీంకోర్టు స్పష్టం చేయడం సామాజిక న్యాయం దిశగా కీలక ముందడుగు అని వీహెచ్ అభిప్రాయపడ్డారు. ఈ తీర్పును అమలు చేయడానికి రెండేళ్ల సమయం కావాలని, భవిష్యత్తులో జారీ చేసే నోటిఫికేషన్ల నుంచే తీర్పును వర్తింపజేయాలని కేంద్ర ప్రభుత్వం కోరినప్పటికీ, సుప్రీంకోర్టు ఆ విజ్ఞప్తిని తిరస్కరించిందని తెలిపారు. ఓబీసీల హక్కులు, రిజర్వేషన్ల పరిరక్షణకు ఈ తీర్పు ఎంతో దోహదపడుతుందని వీహెచ్ పేర్కొన్నారు. రెండు దశాబ్దాలుగా ఎదురుచూస్తున్న న్యాయం దక్కినందుకు సుప్రీంకోర్టుకు హృదయపూర్వక కృతజ్ఞతలు తెలియజేశారు.
ఎ.రవీందర్‌, హైదరాబాద్‌.
