నేరేడుచర్లలో అనుమతుల్లేని బ్లడ్ టెస్ట్ ల్యాబ్‌లు! ఐదు డయాగ్నస్టిక్‌ సెంటర్లు, ఆరు ఆసుపత్రుల్లోని ల్యాబ్‌లకే అనుమతులు నిబంధనలకు విరుద్ధంగా నిర్వహిస్తే చట్టపరమైన చర్యలు: డీఎంహెచ్‌ఓ వెంకట రమణ మిగతా ల్యాబ్‌లపై తనిఖీలు చేపట్టాలని ప్రజల డిమాండ్
నేరేడుచర్లలో అనుమతుల్లేని బ్లడ్ టెస్ట్ ల్యాబ్‌లు!
ఐదు డయాగ్నస్టిక్‌ సెంటర్లు, ఆరు ఆసుపత్రుల్లోని ల్యాబ్‌లకే అనుమతులు
నిబంధనలకు విరుద్ధంగా నిర్వహిస్తే చట్టపరమైన చర్యలు: డీఎంహెచ్‌ఓ వెంకట రమణ
మిగతా ల్యాబ్‌లపై తనిఖీలు చేపట్టాలని ప్రజల డిమాండ్
నేరేడుచర్ల మేజర్ న్యూస్
నేరేడుచర్ల మున్సిపాలిటీ పరిధిలో బ్లడ్ టెస్ట్ ల్యాబ్‌లు, డయాగ్నస్టిక్‌ సెంటర్ల నిర్వహణపై చర్చ జరుగుతోంది. పట్టణంలో పలు చోట్ల ల్యాబ్‌లు కొనసాగుతుండగా, వాటిలో ఎన్ని ప్రభుత్వ నిబంధనల ప్రకారం అనుమతులు పొందాయనే అంశంపై ప్రజల్లో ప్రశ్నలు వ్యక్తమవుతున్నాయి. ఈ నేపథ్యంలో సంబంధిత అధికారులు క్షేత్రస్థాయిలో తనిఖీలు నిర్వహించి వాస్తవాలను వెల్లడించాలని ప్రజలు కోరుతున్నారు.
ఐదు డయాగ్నస్టిక్‌ సెంటర్లకే అనుమతులు!
నేరేడుచర్లలో ఐదు డయాగ్నస్టిక్‌ సెంటర్లకు, ఆరు ఆసుపత్రుల్లో నిర్వహిస్తున్న డయాగ్నస్టిక్‌ ల్యాబ్‌లకు మాత్రమే అనుమతులు ఉన్నాయని జిల్లా డీఎంహెచ్‌ఓ వెంకట రమణ తెలిపారు. ఈ నేపథ్యంలో మిగతా ల్యాబ్‌ల నిర్వహణకు అవసరమైన అనుమతులు ఉన్నాయా? లేదా? అనే అంశంపై అధికారులు స్పష్టత ఇవ్వాల్సిన అవసరం ఉందని ప్రజలు అభిప్రాయపడుతున్నారు.
ల్యాబ్‌లపై తనిఖీలు చేపట్టాలి
ప్రజల ఆరోగ్యంతో ముడిపడిన వైద్య పరీక్షల విషయంలో నిబంధనలు పాటించడం అత్యంత కీలకం. ప్రతి ల్యాబ్‌లో అవసరమైన అనుమతులు, సిబ్బంది అర్హతలు, పరీక్షల నిర్వహణ ప్రమాణాలను అధికారులు పరిశీలించాలని ప్రజలు కోరుతున్నారు. అనుమతుల విషయంలో ఎలాంటి ఉల్లంఘనలు ఉన్నా గుర్తించి తగిన చర్యలు తీసుకోవాలని డిమాండ్ చేస్తున్నారు.
నిబంధనలు ఉల్లంఘిస్తే చర్యలు తప్పవు
ఈ విషయమై జిల్లా డీఎంహెచ్‌ఓ వెంకట రమణను ఫోన్‌లో వివరణ కోరగా, ఐదు డయాగ్నస్టిక్‌ సెంటర్లకు, ఆరు ఆసుపత్రుల్లోని డయాగ్నస్టిక్‌ ల్యాబ్‌లకు మాత్రమే అనుమతులు ఉన్నాయని తెలిపారు. వ్రాత పూర్వకంగా ఎవరైనా ఫిర్యాదు చేసిన కూడా యాక్షన్ తీసుకుంటాం నిబంధనలకు విరుద్ధంగా ల్యాబ్‌లను ఏర్పాటు చేసి నిర్వహిస్తే చట్టపరమైన చర్యలు తప్పవని స్పష్టం చేశారు.
అనుమతులపై స్పష్టత ఇవ్వాలి
నేరేడుచర్లలోని అన్ని బ్లడ్ టెస్ట్ ల్యాబ్‌లు, డయాగ్నస్టిక్‌ సెంటర్లపై సమగ్ర తనిఖీలు నిర్వహించి, అనుమతులు లేని వాటిని గుర్తించాలని ప్రజలు కోరుతున్నారు. నిబంధనలకు విరుద్ధంగా నిర్వహిస్తున్నట్లు నిర్ధారణ అయితే చట్టప్రకారం చర్యలు తీసుకోవడంతోపాటు, అవసరమైన చోట ల్యాబ్‌ల నిర్వహణను నిలిపివేయాలని డిమాండ్ చేస్తున్నారు.
