telangana
నాలుగు రోజులైనా పూర్తికాని పైప్‌లైన్ మరమ్మతులు!
మరమ్మతుల పేరుతో కాలయాపన.. అధికారుల పర్యవేక్షణ కరువు..…
సూర్య, బెజ్జుర్ :
కొమురం భీమ్ ఆసిఫాబాద్ జిల్లా, బెజ్జూర్ మండలం సలుగుపల్లిలో మిషన్ భగీరథ పైప్‌లైన్ లీకేజీ మరమ్మతుల పనులు నాలుగు రోజులైనా పూర్తికాలేదు. సుమారు 8 మంది సిబ్బంది పనులు చేపట్టినా లీకేజీ సమస్యకు పరిష్కారం చూపకపోవడంపై గ్రామస్థులు అసహనం వ్యక్తం చేస్తున్నారు. పనులు జరుగుతున్న ప్రాంతాన్ని సంబంధిత అధికారులు సందర్శించి పర్యవేక్షించకపోవడం వల్లే సిబ్బంది నిర్లక్ష్యంగా వ్యవహరిస్తున్నారనే విమర్శలు వ్యక్తమవుతున్నాయి. మరమ్మతుల పేరుతో కాలయాపన చేయడంపై ఉన్నతాధికారులు స్పందించి వెంటనే పనులు పూర్తి చేయించాలని, విధుల్లో నిర్లక్ష్యం వహించిన సిబ్బందిపై చర్యలు తీసుకోవాలని గ్రామస్థులు కోరుతున్నారు.
