మండలాన్ని కరువు మండలంగా ప్రకటించాలి - బీజేపీ మండల అధ్యక్షుడు శ్రీధర్ రావు

సూర్య, తంగళ్ళపల్లి: తంగళ్లపల్లి మండలాన్ని కరువు ప్రాంతంగా ప్రకటించి రైతులను ఆదుకోవాలని బిజెపి తంగళ్ళపల్లి మండల అధ్యక్షుడు వెన్నమనేని శ్రీధర్ రావు అన్నారు. భారతీయ జనతా పార్టీ తంగళ్లపల్లి మండల అధ్యక్షుడు వెన్నమనేని శ్రీధర్ రావు ఆధ్వర్యంలో మానేరు బ్రిడ్జి వద్ద బుధవారం ధర్నా చేపట్టారు.
ఈ సందర్భంగా ఆయన మాట్లాడుతూ.. తంగళ్లపల్లి మండలంలో 11/6 ప్యాకేజీ కాలువ పనులను పూర్తి చేయాలని గతంలో రైతులతో కలిసి పెద్ద ఎత్తున ధర్నా నిర్వహించినప్పుడు కాలువ పనులు పూర్తి చేస్తామని ప్రభుత్వం హామీ ఇచ్చిందని, అయితే ఇప్పటివరకు ఆ హామీ నెరవేరలేదని ఆరోపించారు.మండలంలోని రైతులు ఎదుర్కొంటున్న ఇబ్బందులను దృష్టిలో ఉంచుకుని ప్రభుత్వం తక్షణమే తంగళ్లపల్లి మండలాన్ని కరువు ప్రాంతంగా ప్రకటించి రైతులను ఆదుకోవాలని డిమాండ్ చేశారు. రైతుల సమస్యలను ప్రభుత్వం నిర్లక్ష్యం చేస్తే రైతులతో కలిసి పెద్ద ఎత్తున నిరసనలు, ధర్నాలు చేపడతామని హెచ్చరించారు.
ఈ కార్యక్రమంలో బీజేపీ కిసాన్ మోర్చా జిల్లా ప్రధాన కార్యదర్శి సూరుకొంటి తిరుపతి రెడ్డి, మహిళా మోర్చా మండల అధ్యక్షురాలు గుర్రం అనసూర్య, మహేందర్, బీజేపీ మండల ప్రధాన కార్యదర్శి కోస్ని వినయ్ యాదవ్, జంగం కిషన్, జిందం సంతోష్, నక్క అశోక్, మ్యాకల సురేష్, గొట్టం సందీప్ రెడ్డి, బొజ్జ తిరుపతి, మెహర్ కృష్ణ, కాబోజు సురేష్ తదితరులు పాల్గొన్నారు.