జిల్లా ప్రజలకు విజయదశమి శుభాకాంక్షలు:జిల్లా కలెక్టర్ దీపక్ తివారి

వికారాబాద్ జిల్లా  ప్రతినిధి, మేజర్ న్యూస్: విజయానికి ప్రతీకగా నిలిచే విజయదశమి పర్వదినాన్ని పురస్కరించుకుని వికారాబాద్ జిల్లా ప్రజలకు జిల్లా కలెక్టర్ దీపక్ తివారి హృదయపూర్వక శుభాకాంక్షలు తెలిపారు.చెడుపై మంచి సాధించిన విజయానికి ప్రతీకగా విజయదశమి పండుగను ప్రజలు భక్తిశ్రద్ధలతో, ఆనందోత్సాహాలతో జరుపుకోవాలని ఆకాంక్షించారు. ఈ పర్వదినం ప్రతి ఒక్కరి జీవితాల్లో సుఖసంతోషాలు, ఆయురారోగ్యాలు, శాంతి, సౌభాగ్యాలను నింపాలని కోరుకున్నారు.జిల్లా ప్రజలందరూ పరస్పర ప్రేమాభిమానాలు, ఐక్యతతో పండుగను ఆనందంగా జరుపుకోవాలని, ప్రతి కుటుంబంలో సంతోషం వెల్లివిరియాలని కలెక్టర్ ఆకాంక్షించారు.