జాతీయ స్థాయిలో ప్రతిభ కనబర్చిన రాఘవేంద్ర కరిమల విద్యార్థి

సూర్య, జన్నారం : ఇటీవల రాష్ట్ర స్థాయిలో నిర్వహించిన వెయిట్ లిఫ్టింగ్ పోటీలలో రెండవ బహుమతి గెలుచుకున్న రాఘవేంద్ర కరిమల జూనియర్ కళాశాలలో ఇంటర్మీడియట్ బైపీసి రెండవ సంవత్సరం చదువుతున్న కొట్టె అభిషేక్ జాతీయ స్థాయిలో బహుమతిని గెలుచుకున్నాడు. ఈ సందర్భంగా రాఘవేంద్ర విద్యా సంస్థల చైర్మన్ ఎర్ర చంద్రశేఖర్ కొట్టే అభిషేక్ ను అభినందిస్తూ, విద్యార్థులు చదువులోనే కాకుండా ఇలాంటి కళలు ఎంతో అవసరమని, ఇలాంటి బహుమతులు మరెన్నో గెలిచి, కళాశాలకు మాత్రమే కాకుండా మీ తల్లిదండ్రులకు మంచి పేరు తీసుకురావాలని అన్నారు. ఈ కార్యక్రమంలో రాఘవేంద్ర విద్యా సంస్థల కరస్పాండెంట్ ఎర్ర సంపత్, కళాశాల ప్రిన్సిపల్ లక్ష్మణ్, డీన్ హేమలత షిండే, కళాశాల అధ్యాపకులు మరియు విద్యార్థులు పాల్గొన్నారు.