telangana
13, 14 తేదీల్లో హైదరాబాద్‌లో భారత్ సమ్మిట్
హైదరాబాద్: తెలంగాణ రాష్ట్ర ఐటీ, పరిశ్రమల శాఖ మంత్రి దుద్దిళ్ల శ్రీధర్‌బాబు నేతృత్వంలో ఈ నెల 13, 14 తేదీల్లో హైదరాబాద్‌లోని హైటెక్స్ ప్రాంగణంలో ప్రతిష్టాత్మక భారత్ సమ్మిట్ నిర్వహించనున్నారు. దేశంలో మరియు ప్రపంచవ్యాప్తంగా వేగంగా మారుతున్న రాజకీయ, ఆర్థిక పరిస్థితులపై ఈ సదస్సులో విస్తృతంగా చర్చించనున్నట్లు మంత్రి వెల్లడించారు.
కాంగ్రెస్ అగ్రనేత రాహుల్ గాంధీ ఆలోచనలు, భవిష్యత్ విజన్‌కు అనుగుణంగా ఈ భారత్ సమ్మిట్‌ను రూపకల్పన చేసినట్లు ఆయన తెలిపారు. ఈ అంతర్జాతీయ సదస్సుకు ప్రపంచ నలుమూలల నుంచి దాదాపు 70 మంది వివిధ రంగాల నిపుణులు, మేధావులు హాజరై పలు కీలక అంశాలపై తమ దృక్పథాలను పంచుకోనున్నారు.
