ఇందిరమ్మ ఇళ్లలో ఘనంగా దీపావళి సంబరాలు

సూర్య ఎలిగేడు ;;మండలంలోని ర్యాకల్ దేవ్‌పల్లి గ్రామంలో ఆదివారం ఇందిరమ్మ ఇళ్ల లబ్ధిదారుల నూతన గృహాల్లో దీపావళి పండుగ సంబరాలను ఘనంగా నిర్వహించారు. గ్రామ సర్పంచ్ మద్దెల రమాదేవి, ఉపసర్పంచ్ బొడిగె శివకృష్ణ గౌడ్ ఆధ్వర్యంలో ఇందిరమ్మ ఇళ్లలో ప్రత్యేక పూజలు నిర్వహించి దీపావళి వేడుకలు జరుపుకున్నారు.ఈ సందర్భంగా లబ్ధిదారులు మాట్లాడుతూ గతంలో సొంత ఇల్లు లేక ఎన్నో ఇబ్బందులు ఎదుర్కొన్నామని, కాంగ్రెస్ ప్రభుత్వం, పెద్దపల్లి ఎమ్మెల్యే చింతకుంట విజయరమణారావు కృషితో తమ సొంతింటి కల నెరవేరిందని ఆనందం వ్యక్తం చేశారు. నూతనంగా నిర్మించుకున్న ఇందిరమ్మ ఇళ్లలో కుటుంబ సభ్యులతో కలిసి దీపావళి పండుగ జరుపుకోవడం ఎంతో సంతోషంగా ఉందని తెలిపారు.ఈ కార్యక్రమంలో కునమల్ల పీటర్, కోడూరు రమేష్, గోపు అరుణ్ రెడ్డి, అసంపల్లి రాజు, గుడికందుల నవీన్, మడ్లపల్లి రవీందర్‌తో పాటు ఇందిరమ్మ ఇళ్ల లబ్ధిదారులు పాల్గొన్నారు.