ఇందిరా గాంధీ సేవలు చిరస్మరణీయం
ఘట్కేసర్ రూరల్, మేజర్ న్యూస్: భారత మాజీ ప్రధాని, ఉక్కు మహిళ ఇందిరా గాంధీ దేశాభివృద్ధికి, ప్రజా సంక్షేమానికి చేసిన సేవలు చిరస్మరణీయమని కాంగ్రెస్ నాయకులు కొనియాడారు. మల్కాజిగిరి మున్సిపల్ కార్పొరేషన్ పరిధిలోని ఘట్కేసర్ సర్కిల్ పోచారం డివిజన్ నారపల్లిలో గురువారం ఇందిరా గాంధీ జయంతి వేడుకలను కాంగ్రెస్ నాయకులు ఘనంగా నిర్వహించారు. ఈ సందర్భంగా స్థానిక కాంగ్రెస్ పార్టీ కార్యాలయం వద్ద ఆమె చిత్రపటానికి పూలమాలలు వేసి ఘనంగా నివాళులర్పించారు. అనంతరం దేశానికి ఆమె అందించిన సేవలను, ప్రజా సంక్షేమం కోసం చేపట్టిన కార్యక్రమాలను స్మరించుకున్నారు. ఈ కార్యక్రమంలో కాంగ్రెస్ పార్టీ వర్కింగ్ ప్రెసిడెంట్ కొంతం శంకర్ రెడ్డి, డివిజన్ మాజీ అధ్యక్షుడు సింగిరెడ్డి శ్రీనివాస్ రెడ్డి, యూత్ కాంగ్రెస్ అధ్యక్షుడు కే. వినోద్, ఎస్సీ సెల్ అధ్యక్షుడు బద్దం కుమార్, మహిళా అధ్యక్షురాలు ఎర్ర మాధవితో పాటు కాంగ్రెస్ నాయకులు, కార్యకర్తలు పాల్గొన్నారు.