హస్తినాపురంలో పట్టభద్రుల ఎమ్మెల్సీ ఓటరు నమోదు కార్యక్రమం.. డిగ్రీ పూర్తి చేసిన ప్రతి ఒక్కరూ నమోదు చేసుకోవాలని బీజేపీ పిలుపు!
సూర్య సిటీ బ్యూరో, కర్మన్‌ఘాట్/హైదరాబాద్: మహబూబ్‌నగర్ – రంగారెడ్డి – హైదరాబాద్ పట్టభద్రుల నియోజకవర్గ ఎమ్మెల్సీ ఎన్నికల ప్రక్రియలో భాగంగా ఓటర్ల నమోదు కార్యక్రమాన్ని విస్తృతంగా చేపడుతున్నారు. హస్తినాపురం డివిజన్ పరిధిలోని కర్మన్‌ఘాట్ శ్రీ రమణ కాలనీ ఫేజ్-1 కమ్యూనిటీ హాల్‌లో పట్టభద్రుల ఓటరు నమోదు ప్రత్యేక శిబిరాన్ని నిర్వహించారు. అర్హులైన పట్టభద్రులు తమ ఓటు హక్కును నమోదు చేసుకునేలా అవగాహన కల్పించడంతో పాటు దరఖాస్తుల స్వీకరణ ప్రక్రియను చేపట్టారు.
ఈ సందర్భంగా హస్తినాపురం డివిజన్ బీజేపీ అధ్యక్షుడు ఎరుకల మల్లేష్ గౌడ్ మాట్లాడుతూ, ప్రజాస్వామ్యంలో గ్రాడ్యుయేట్లకు లభించిన అత్యంత విలువైన ఓటు హక్కును ప్రతి ఒక్కరూ సద్వినియోగం చేసుకోవాలని విజ్ఞప్తి చేశారు. నవంబర్ 2023 నాటికి లేదా అంతకంటే ముందుగానే గుర్తింపు పొందిన విశ్వవిద్యాలయాల నుంచి డిగ్రీ పూర్తి చేసిన అర్హులైన గ్రాడ్యుయేట్లు వెంటనే ఎమ్మెల్సీ ఓటరుగా పేర్లను నమోదు చేసుకోవాలని ఆయన కోరారు.
ఈ ఓటరు నమోదు కార్యక్రమంలో బీజేపీ సీనియర్ నాయకులు బొగ్గుల మాధవరెడ్డి, జనరల్ సెక్రెటరీ గౌని వెంకటేష్ గౌడ్, మహిళా మోర్చా నాయకురాలు విజయ్ చౌదరి, కంది శ్రీనివాస్ రెడ్డి, కిసాన్ మోర్చా జనరల్ సెక్రెటరీ లక్ష్మీకాంత్ రెడ్డిలతో పాటు స్థానిక నాయకులు జగదీశ్వర్, శ్రీనివాస్ గుప్తా, కిట్టు ప్రమీల తదితరులు పెద్ద సంఖ్యలో పాల్గొన్నారు.
