గుంతను తప్పించబోయి బోల్తాపడిన ట్యాంకర్

సూర్య జైపూర్: జైపూర్ మండలంలోని రసూల్‌పల్లి గ్రామ శివారులో పెద్దవాగు సమీపంలో ప్రధాన రహదారిపై సోమవారం ట్యాంకర్ బోల్తా పడింది. రోడ్డుపై ఏర్పడిన భారీ గుంతను తప్పించే క్రమంలో ట్యాంకర్ అదుపుతప్పి పడిపోయింది. ఈ ఘటనలో డ్రైవర్, క్లీనర్ సురక్షితంగా బయటపడటంతో ప్రాణనష్టం తప్పింది.రహదారిపై గుంత కారణంగా వాహనదారులు తీవ్ర ఇబ్బందులు ఎదుర్కొంటున్నారని స్థానికులు ఆవేదన వ్యక్తం చేస్తున్నారు. ముఖ్యంగా రాత్రి వేళల్లో ప్రమాదాలు జరిగే అవకాశం ఉందని ఆందోళన వ్యక్తం చేశారు. ఇప్పటికైనా ఆర్‌అండ్‌బీ అధికారులు స్పందించి గుంతను పూడ్చి శాశ్వత మరమ్మతులు చేపట్టాలని గ్రామస్తులు, వాహనదారులు కోరుతున్నారు