గ్రాడ్యుయేట్ ఎమ్మెల్సీ అభ్యర్థి రాంరెడ్డి సర్వోత్తమ్ రెడ్డిని మర్యాదపూర్వకంగా కలిసిన జిల్లా కాంగ్రెస్ నాయకులు మాలోత్ భోజ్య నాయక్

సూర్య,అశ్వారావుపేట: అశ్వారావుపేట నియోజకవర్గానికి బుధవారం విచ్చేసిన ఖమ్మం, వరంగల్, నల్గొండ గ్రాడ్యుయేట్ ఎమ్మెల్సీ కాంగ్రెస్ పార్టీ అభ్యర్థి రాంరెడ్డి సర్వోత్తమ్ రెడ్డిని జిల్లా కాంగ్రెస్ పార్టీ నాయకులు మాలోత్ భోజ్య నాయక్ మర్యాదపూర్వకంగా కలిశారు.

స్థానిక ఎమ్మెల్యే జారే ఆదినారాయణ అధ్యక్షతన అశ్వారావుపేటలోని శ్రీశ్రీ ఫంక్షన్ హాల్‌లో నిర్వహించిన గ్రాడ్యుయేట్ ఎమ్మెల్సీ ఎన్నికల సన్నాహక సమావేశానికి ఖమ్మం పార్లమెంట్ సభ్యులు రామసహాయం రఘురామిరెడ్డి, భద్రాద్రి కొత్తగూడెం జిల్లా ఎమ్మెల్సీ ఇన్‌చార్జి ఎమ్మెల్సీ శంకర్ నాయక్, ఎమ్మెల్సీ అభ్యర్థి రాంరెడ్డి సర్వోత్తమ్ రెడ్డి ముఖ్య అతిథులుగా హాజరయ్యారు. ఈ సందర్భంగా భోజ్య నాయక్ వారిని కలిసి శుభాకాంక్షలు తెలిపారు.

అనంతరం భోజ్య నాయక్ మాట్లాడుతూ, గ్రాడ్యుయేట్ ఎమ్మెల్సీ ఎన్నికల్లో కాంగ్రెస్ పార్టీ అభ్యర్థి రాంరెడ్డి సర్వోత్తమ్ రెడ్డిని అత్యధిక మెజారిటీతో గెలిపించేందుకు పార్టీ శ్రేణులందరూ సమష్టిగా కృషి చేయాలని పిలుపునిచ్చారు. అర్హులైన పట్టభద్రులందరూ ఎమ్మెల్సీ ఓటు నమోదు చేసుకోవాలని, ఓటు హక్కుపై అవగాహన కల్పిస్తూ ప్రతి ఒక్కరూ ఓటరు నమోదు ప్రక్రియలో భాగస్వాములు కావాలని కోరారు.

విద్యావంతుల సమస్యలను అర్థం చేసుకొని, వారి హక్కుల సాధనకు కృషి చేసే నాయకత్వాన్ని బలోపేతం చేయాల్సిన అవసరం ఉందని పేర్కొన్నారు. అశ్వారావుపేట నియోజకవర్గంలోని ఐదు మండలాల కాంగ్రెస్ పార్టీ నాయకులు, కార్యకర్తలు సమన్వయంతో పనిచేసి పార్టీ అభ్యర్థి విజయానికి కృషి చేయాలని అన్నారు.

ఈ సమావేశం ద్వారా ఎమ్మెల్సీ ఎన్నికల ప్రచారాన్ని క్షేత్రస్థాయికి తీసుకెళ్లి, పట్టభద్రులను చైతన్యపరిచి కాంగ్రెస్ పార్టీ అభ్యర్థి విజయానికి బాటలు వేయాలని నాయకులు నిర్ణయించారు.

సూర్య రిపోర్టర్ మునీర్ అశ్వరావుపేట