దేశం గర్వించే నాయకురాలు ఇందిరా గాంధీ పోటు అశోక్ కుమార్
మునగాల మేజర్ న్యూస్: దేశం గర్వించే నాయకురాలు ఇందిరా గాంధీ అని కాంగ్రెస్ పార్టీ సీనియర్ నాయకులు పోటు అశోక్ కుమార్ అన్నారు.
గురువారం మండల పరిధిలోని కొక్కిరేణి గ్రామంలో మాజీ ప్రధానమంత్రి ఇందిరా గాంధీ జయంతి వేడుకలు ఘనంగా నిర్వహించారు.
ఈ సందర్భంగా పోటు అశోక్ కుమార్ మాట్లాడుతూ, దేశ అభివృద్ధి, పేదల సంక్షేమం, దేశ ఐక్యత కోసం ఇందిరా గాంధీ చేసిన సేవలు చిరస్మరణీయమని అన్నారు. ఆమె ఆశయాలను ప్రతి ఒక్కరూ స్ఫూర్తిగా తీసుకోవాలని పిలుపునిచ్చారు. ఇందిరా గాంధీ చూపిన మార్గంలో నడుస్తూ కాంగ్రెస్ పార్టీ ప్రజల సంక్షేమం కోసం నిరంతరం కృషి చేస్తుందని తెలిపారు.
ఈ కార్యక్రమంలో కాంగ్రెస్ పార్టీ నాయకులు, కార్యకర్తలు, గ్రామ ప్రజలు పాల్గొన్నారు.