దసరా డ్రీమ్‌ డేస్‌ను ఘనంగా నిర్వహించిన మహావీర్‌ మోటార్స్‌ - పండుగ వేళ 50 మెర్సిడెస్‌ బెంజ్‌ కార్ల డెలివరీ
తెలంగాణ బ్యూరో, ప్రతినిధి : పండుగ సీజన్‌లో లగ్జరీ కార్ల కొనుగోలుదారుల కలలను సాకారం చేస్తూ.. మహావీర్‌ గ్రూప్‌లో భాగమైన మహావీర్‌ మోటార్స్‌ ఆధ్వర్యంలో మెర్సిడెస్‌ బెంజ్‌ దసరా డ్రీమ్‌ డేస్‌ వేడుకను హైదరాబాద్‌లో ఘనంగా నిర్వహించారు. ఈ సందర్భంగా 50 సరికొత్త మెర్సిడెస్‌ బెంజ్‌ కార్లను వినియోగదారులకు అందజేశారు. ఈ వేడుకలో కార్లను కొనుగోలు చేసిన వినియోగదారులు, వారి కుటుంబ సభ్యులతో పాటు మహావీర్‌ మోటార్స్‌ ప్రతినిధులు పాల్గొన్నారు. మహావీర్‌ గ్రూప్‌ ఛైర్మన్‌ యశ్వంత్‌ ఝబఖ్‌, మహావీర్‌ మోటార్స్‌ మేనేజింగ్‌ డైరెక్టర్‌ వరుణ్‌ ఝబఖ్‌, సీఈవో నితిన్‌ కుమార్‌ సింగ్‌ ముఖ్య అతిథులుగా హాజరయ్యారు.
వారు స్వయంగా వినియోగదారులకు కార్ల తాళాలను అందజేశారు. కొండాపూర్‌లోని మెర్సిడెస్‌ బెంజ్‌ షోరూమ్‌లో ఈ కార్యక్రమం జరిగింది. దసరా పర్వదినాన్ని పురస్కరించుకుని నిర్వహించిన ఈ వేడుక.. కొత్త ఆరంభాలు, సంపద, ఆశయాల సాధనకు ప్రతీకగా నిలిచింది. మెర్సిడెస్‌ బెంజ్‌ కారును సొంతం చేసుకోవాలన్న వినియోగదారుల కలలను పండుగ వేళ సాకారం చేయడమే ఈ కార్యక్రమం ప్రధాన ఉద్దేశమని నిర్వాహకులు తెలిపారు. మెర్సిడెస్‌ బెంజ్‌ దసరా డ్రీమ్‌ డేస్‌ కార్యక్రమం ద్వారా సంస్థ ప్రత్యేక డిజైన్‌, అత్యాధునిక సాంకేతికత, అసాధారణ సౌకర్యాలు, అత్యుత్తమ లగ్జరీ అనుభూతిని వినియోగదారులకు అందిస్తోంది.
మూడు కోణాల నక్షత్రం చిహ్నంతో ప్రసిద్ధి చెందిన ఈ బ్రాండ్‌.. ప్రతి కారు డెలివరీని వినియోగదారులకు మధుర జ్ఞాపకంగా మలుస్తోంది. ఒకేసారి 50 కార్లను అందజేయడం మెర్సిడెస్‌ బెంజ్‌ బ్రాండ్‌పై వినియోగదారులకు ఉన్న నమ్మకానికి నిదర్శనమని మహావీర్‌ మోటార్స్‌ ప్రతినిధులు పేర్కొన్నారు. కారు తాళాలను అందజేయడానికే పరిమితం కాకుండా.. వినియోగదారులకు ప్రత్యేక అనుభూతిని అందించడం, బ్రాండ్‌తో వారికున్న అనుబంధాన్ని మరింత బలోపేతం చేయడం ఈ వేడుకలో ప్రతిబింబించిందని తెలిపారు. పండుగ సీజన్‌ కొనసాగుతున్న నేపథ్యంలో మరింత మంది వినియోగదారులను మెర్సిడెస్‌ బెంజ్‌ కుటుంబంలోకి ఆహ్వానించేందుకు మహావీర్‌ మోటార్స్‌ సిద్ధంగా ఉందని సంస్థ ప్రతినిధులు వెల్లడించారు. దసరా డ్రీమ్‌ డేస్‌ ద్వారా వినియోగదారుల ఆశయాలను సాకారం చేస్తూ, చిరస్మరణీయమైన కారు యాజమాన్య అనుభవాలను అందించడమే లక్ష్యమని పేర్కొన్నారు
