బిజెపికి పోతుగంటి మహేష్ రాజీనామా ..

తలకొండపల్లి, రంగారెడ్డి : 

మండల కేంద్రానికి చెందిన జిల్లా బిజెపి కార్యవర్గ సభ్యులు పోతుగంటి మహేష్ భారతీయ జనతా పార్టీ ప్రాథమిక సభ్యత్వానికి, తన పదవులకు రాజీనామా చేశారు. ఈ మేరకు ఆయన నవంబర్ 03న బీజేపీ రాష్ట్ర, జిల్లా అధ్యక్షులకు లేఖ రాశారు. వ్యక్తిగత కారణాల రీత్యా నేను పార్టీకి, పదవులకు రాజీనామా చేస్తున్నానని మహేష్ వెల్లడించారు. తనకు  అవకాశం కల్పించిన నాయకత్వానికి, తనతో పాటు  కలిసి పనిచేసిన కార్యకర్తలకు, నాయకులకు హృదయపూర్వక కృతజ్ఞతలు తెలిపా. తన రాజీనామాను ఆమోదించి పార్టీ సభ్యత్వం నుండి తొలగించాలని కోరుతున్నాను అని ఆయన లేఖలో పేర్కొన్నారు. తలకొండపల్లి మండలానికి చెందిన పోతుగంటి మహేష్ గత 20ఏళ్లుగా బీజేపీలో చురుకుగా పనిచేశాశని తెలిపారు. మండలంలో బీజేపీ బలంగా ఉన్న గ్రామాల్లో తలకొండపల్లి ఒకటని అలాంటి చోట నుంచే మహేష్ బయటకు వెళ్లడం చర్చనీయాంశంగా మారింది. పోతుగంటి మహేష్ తదుపరి ఏ పార్టీలో చేరబోతున్నారు. అనేది ఇప్పుడు హాట్ టాపిక్ గా మారింది. ఆయన కాంగ్రెస్ పార్టీలో చేరే అవకాశం ఉందని, ఇప్పటికే ఆ పార్టీకి చెందిన కీలక నేతలతో చర్చలు జరిపారని ఆయన అనుచర వర్గం చెబుతోంది. మరోవైపు బీఆర్ఎస్ లోకి వెళ్తారన్న ప్రచారం కూడా లేకపోలేదు. అయితే దీనిపై ఆయన ఇప్పటివరకు అధికారికంగా స్పందించలేదు. మరికొన్ని రోజుల్లో ఆయన తన భవిష్యత్ కార్యాచరణను ప్రకటించే అవకాశం ఉందని సమాచారం.