బీజేపీ ఎస్టీ మోర్చా జిల్లా ప్రధాన కార్యదర్శిగా మొగిలి శ్రీనివాస్

సూర్య - మానకొండూర్ : మానకొండూర్ మండలం ముంజంపల్లి గ్రామానికి చెందిన మొగిలి శ్రీనివాస్ బీజేపీ ఎస్టీ మోర్చా కరీంనగర్ జిల్లా ప్రధాన కార్యదర్శిగా నియమితులయ్యారు. ఈ మేరకు ఎస్టీ మోర్చా జిల్లా అధ్యక్షుడు రమావత్ శ్రీనివాస్ నాయక్ నియామక ఉత్తర్వులు జారీ చేశారు.ఈ సందర్భంగా మొగిలి శ్రీనివాస్ మాట్లాడుతూ... తనపై నమ్మకంతో ఈ బాధ్యతను అప్పగించినందుకు పార్టీ అధిష్టానానికి, నాయకులకు ధన్యవాదాలు తెలిపారు. తన నియామకానికి సహకరించిన కేంద్ర హోంశాఖ సహాయ మంత్రి బండి సంజయ్ కుమార్, బీజేపీ జిల్లా అధ్యక్షుడు సాయిని మల్లేశం, ఎస్టీ మోర్చా జిల్లా అధ్యక్షుడు రమావత్ శ్రీనివాస్ నాయక్, జిల్లా ఉపాధ్యక్షుడు గుర్రాల వెంకటరెడ్డి, సీనియర్ నాయకులు రంగు భాస్కరాచారి, రాపాక ప్రవీణ్, మానకొండూర్ మండల అధ్యక్షుడు కంది రాజీరెడ్డిలకు ఆయన కృతజ్ఞతలు తెలిపారు.పార్టీ బలోపేతానికి తన శక్తివంచన లేకుండా కృషి చేస్తానని, కేంద్ర ప్రభుత్వం అమలు చేస్తున్న సంక్షేమ పథకాలను గిరిజన ప్రాంతాల్లోని ప్రతి ఇంటికీ చేరువ చేసేలా పనిచేస్తానని శ్రీనివాస్ తెలిపారు..