బాధిత కుటుంబానికి గ్రామపంచాయతీ అండ .. 25 కిలోల రైస్ బ్యాగ్, రూ.1,000 ఆర్థిక సాయం అందజేత

సూర్య ..కోనరావుపేట మండలం పల్లిమక్త గ్రామంలో ఇటీవల అనారోగ్యంతో మృతి చెందిన ఆదరవేణి దేవయ్య కుటుంబానికి గ్రామపంచాయతీ అండగా నిలిచింది. ఈ మేరకు బుధవారం గ్రామ సర్పంచ్ జిన్న అనూష అనిల్ కుమార్, పాలకవర్గ సభ్యులతో కలిసి బాధిత కుటుంబాన్ని పరామర్శించి, 25 కిలోల బియ్యంతో పాటు రూ.1,000 నగదును ఆర్థిక సాయంగా అందజేశారు.
ఈ సందర్భంగా బాధిత కుటుంబ సభ్యులకు ప్రగాఢ సానుభూతి తెలిపి, దేవయ్య ఆత్మకు శాంతి చేకూరాలని ఆకాంక్షించారు. ఈ కార్యక్రమంలో వార్డు సభ్యులు జాగిరి ఆనందం, మొకనపెళ్లి బాలరాజు, ఛిద్రవేణి నరేష్, రేగుల పద్మ పరశురాములు, జాగిరి శివ, ప్రవీణ్, బాలరాజు, దేవరాజు, దేవయ్య, కిషన్ తదితరులు పాల్గొన్నారు.