అతి వేగంతో అదుపుతప్పి బోల్తాపడిన ఇన్నోవా.. ఆరుగురికి తీవ్ర గాయాలు

వికారాబాద్ జిల్లా ప్రతినిధి, మేజర్ న్యూస్: వికారాబాద్ జిల్లాలోని బీజాపూర్ రహదారిపై కండ్లపల్లి గేటు సమీపంలో ఆదివారం రోడ్డు ప్రమాదం చోటుచేసుకుంది. హైదరాబాద్ నుంచి వస్తున్న ఇన్నోవా కారు (AP 12 F 2727) కండ్లపల్లి గేటు వద్దకు చేరుకోగానే అతి వేగంతో అదుపుతప్పి ఒక్కసారిగా బోల్తాపడింది. ఈ ప్రమాదంలో కారులో ప్రయాణిస్తున్న ఆరుగురికి తీవ్ర గాయాలయ్యాయి.ప్రమాద సమాచారం అందుకున్న పోలీసులు వెంటనే ఘటనా స్థలానికి చేరుకుని సహాయక చర్యలు చేపట్టారు. క్షతగాత్రులను చికిత్స నిమిత్తం సమీపంలోని ఆసుపత్రికి తరలించారు. ఈ ఘటనపై కేసు నమోదు చేసుకున్న పోలీసులు ప్రమాదానికి గల కారణాలపై దర్యాప్తు చేపట్టినట్లు తెలిపారు.