సూర్య కరీంనగర్ : విద్యార్థుల్లో గణిత ప్రతిభను పెంపొందించి, పోటీ పరీక్షలకు సిద్ధం చేసేందుకు నిర్వహించే అమాట్–2026 (Alphores Math Olympiad Test) పోస్టర్ను అల్ఫోర్స్ విద్యాసంస్థల అధినేత డాక్టర్ వి. నరేందర్ రెడ్డి కొత్తపల్లిలోని అల్ఫోర్స్ ఇ-టెక్నో పాఠశాలలో ఆవిష్కరించారు. ఈ సందర్భంగా శ్రీనివాస రామానుజన్ గణితశాస్త్రానికి చేసిన సేవలు చిరస్మరణీయమని, చిన్న వయసులోనే గణితంలో అసాధారణ ప్రతిభ చూపి భారతీయులకు ఆదర్శంగా నిలిచారని పేర్కొన్నారు.డిసెంబర్ 6న ఉదయం 10 నుంచి 11 గంటల వరకు మొదటి స్థాయి పరీక్ష, అర్హులకు డిసెంబర్ 15న రెండో స్థాయి పరీక్ష నిర్వహించనున్నట్లు తెలిపారు. పరీక్షకు ఎలాంటి రుసుము లేదని, అన్ని తరగతుల టాప్-10 విద్యార్థులకు నగదు బహుమతులు, టాప్-20 విద్యార్థులకు సర్టిఫికెట్లు అందజేయనున్నట్లు వెల్లడించారు. మొత్తం రూ.4,44,444 స్కాలర్షిప్లు అందించే ఈ అవకాశాన్ని విద్యార్థులు సద్వినియోగం చేసుకోవాలని కోరారు. కార్యక్రమంలో పాఠశాలలు, కళాశాలల ప్రిన్సిపాళ్లు, ఉపాధ్యాయులు, అధ్యాపకులు, విద్యార్థులు పాల్గొన్నారు.