ఆడుకోవడానికి వెళ్లి.. అనంత లోకాలకు
సూర్య మల్లాపూర్:ఆడుకోవడానికి బయటకు వెళ్లిన బాలుడు తుదకు అనంత లోకాలకు చేరి కుటుంబాన్ని శోకసంద్రంలో ముంచిన ఘటన జగిత్యాల జిల్లా మల్లాపూర్ మండల కేంద్రంలో విషాదాన్ని నింపింది. స్థానికులు తెలిపిన వివరాల మేరకు.. మల్లాపూర్ వడ్డెర కాలనీ కి చెందిన సూర అంజి లావణ్యల చిన్న కుమారుడు సూర బన్ని (6) ఆదివారం ఆడుకోవడానికి వెళ్లి సాయంత్రం ఇంటికి తిరిగి రాలెడని స్థానికంగా వెతికారు. చీకటిపడిన కనబడకపోవడంతో పోలీస్ స్టేషన్ లో ఫిర్యాదు చేసారు.. ఈ క్రమంలో రాత్రి సుమారు 10:30గం.లకు స్థానిక పశువుల నీటి తొట్టిలో విగతజీవిగా గుర్తించారు. బాలుడి మృతితో కాలనీలో విషాదఛాయలు అలుముకున్నాయి.