24న హైదరాబాద్లో స్వర్ణకారుల శంకారావం భారీ బహిరంగ సభ.

సికింద్రాబాద్ మేజర్ న్యూస్ : తెలంగాణ రాష్ట్రవ్యాప్తంగా ఉన్న స్వర్ణకారుల సమస్యల పరిష్కారం, వృత్తి పరిరక్షణ, వారి సంక్షేమమే ధ్యేయంగా ఈ నెల 24న హైదరాబాద్లో స్వర్ణకార శంకారాం పేరిట భారీ బహిరంగ సభను నిర్వహించనున్నారు. తెలంగాణ రాష్ట్ర స్వర్ణకార సంఘం ఆధ్వర్యంలో జరుగుతున్న ఈ సభకు సంబంధించిన ప్రచార వాల్ పోస్టర్ను సికింద్రాబాద్ సోమసుందరం స్ట్రీట్లోని విశ్వకర్మ సంఘ భవనంలో సంఘ అధ్యక్షుడు గోపాలపురం ప్రకాష్, ప్రధాన కార్యదర్శి గిర్మాపురం భాస్కరాచారి తదితర కార్యవర్గ సభ్యులు ఆవిష్కరించారు.

 ఈ సందర్బంగా సంఘ అధ్యక్షుడు గో పాలపురం ప్రకాష్ మాట్లాడుతూ... ముందుగా అందరికి విజయదశమి శుభాకాంక్షలు తెలిపారు. శనివారం సరూర్ నగర్ గ్రౌండ్స్ లో నిర్వహించనున్న ఈ భారీ బహిరంగకు న్యాయమైన డిమాండ్ల సాధనే ధ్యేయంగా ప్రత్యేక కార్పొరేషన్, 50 సంవత్సరాలు నిండిన ప్రతి స్వర్ణకారునికి రూ5వేల పెన్షన్. జీఓ 272 సవరణకు డిమాండ్ చేస్తూ ప్రభుత్వానికి కనువిప్పు కలిగేలా నిర్వహించనున్నట్లు వెల్లడించారు. ప్రధాన కార్యదర్శి గిర్మపురం భాస్కరాచారి మాట్లాడుతూ... రాష్ట్ర స్వర్ణకార సంఘం ముఖ్య నేతలైన ఈ సభ ద్వారా స్వర్ణకారుల ఐఖ్యతను ప్రభుత్వానికి చూపాలని పిలుపునిచ్చారు. 

జనరల్ బజార్లోని స్వర్ణకారులు తమ తమ దుకాణాలను మూసివేసి శనివారం 2గంటలకు సంఘ భవనానికి వస్తే ఇక్కడి నుండి బైక్ ర్యాలీగా సరూర్ నగరకు వెళ్లనున్నట్లు విలుపునిచ్చారు. ఈ భారీ బహిరంగ సభకు సికింద్రాబాద్. హైదరాబాద్ లలో ఉన్న చార్కమాన్. సికింద్రాబాద్, పాట్ మార్కెట్, సిద్ధిఅంబర్ బజార్, గాలిగూడ తదితర సంఘాలు తమ పూర్తి మద్దతునిస్తున్నట్లు వెల్లడించారు.