13వ వార్డులో డ్రైన్ నిర్మాణ పనులు ప్రారంభం

 సూర్య చొప్పదండి :  ప్రజా సమస్యల పరిష్కారమే లక్ష్యంగా, 13వ వార్డులో మౌలిక వసతుల అభివృద్ధికి మరో ముందడుగు పడింది. చొప్పదండి మున్సిపాలిటీ సాధారణ నిధులతో డ్రైన్ నిర్మాణ పనులను శుక్రవారం రోజున ప్రారంభించారు. కార్యక్రమంలో భాగంగా మున్సిపల్ చైర్మన్ వడ్లూరి సరిత శ్రీనివాస్, వైస్ చైర్మన్ పెరమండ్ల మానస గంగయ్యగౌడ్ తో కలిసి 13వ వార్డు కౌన్సిలర్ జిట్ట మంగ కుమార్ డ్రైన్ నిర్మాణ పనులకు శ్రీకారం చుట్టారు. ఈ సందర్భంగా మంగకుమార్ మాట్లాడుతూ…గతంలో ప్రజలు ఎదుర్కొన్న మురుగునీటి సమస్యకు పరిష్కారం చూపుతూ, వార్డులో పరిశుభ్రతతో పాటు మెరుగైన మౌలిక వసతుల కల్పనకు ప్రాధాన్యత ఇస్తున్నట్లు తెలిపారు.మాటలకే పరిమితం కాకుండా,ప్రజల సమస్యల పరిష్కారమే లక్ష్యంగా అభివృద్ధి పనులను ముందుకు తీసుకెళ్తున్నామని, ప్రజలకు ఇచ్చిన మాట నిలబెట్టుకోవడమే మా బాధ్యత అని అన్నారు.ఈ కార్యక్రమంలో 5వ వార్డు కౌన్సిలర్ వడ్లూరి అనూష శ్యామ్ సుందర్, 8వ వార్డు కౌన్సిలర్ రాజన్నల రాజు, 11వ వార్డు కౌన్సిలర్ పిట్టల వెంకటేష్, 12వ వార్డు కౌన్సిలర్ ముద్దం రాజేశ్వరి తిరుపతిగౌడ్ , సండ్ల రవి, వల్లాల రాజేశం, వార్డు ప్రజలు తదితరులు పాల్గొన్నారు.