వివిధ పుష్పాలతో విశేష అలంకరణలో సిద్ధి గణపతి

వివిధ పుష్పాలతో విశేష అలంకరణలో సిద్ధి గణపతి
రుద్రారం శ్రీ గణేష్ గడ్డ సిద్ధి గణపతి దేవస్థానంలో 11వ రోజు ప్రత్యేక దర్శనం
 

పటాన్‌చెరు: రుద్రారం శ్రీ గణేష్ గడ్డ సిద్ధి గణపతి దేవస్థానంలో వినాయక చవితి వార్షిక బ్రహ్మోత్సవాలు భక్తిశ్రద్ధలతో కొనసాగుతున్నాయి. ఉత్సవాల్లో భాగంగా 11వ రోజు సిద్ధి గణపతి స్వామివారు వివిధ రకాల పుష్పాలతో అత్యంత సుందరంగా అలంకరించబడి భక్తులకు విశేష దర్శనం ఇచ్చారు.
రంగురంగుల పుష్పాలు, పుష్పమాలలు, ఆకులు, ప్రత్యేక అలంకరణలతో స్వామివారి సన్నిధి ఆధ్యాత్మిక శోభను సంతరించుకుంది. పుష్పాలంకరణలో కొలువుదీరిన సిద్ధి గణపతిని దర్శించుకునేందుకు భక్తులు పెద్ద సంఖ్యలో తరలివచ్చారు. స్వామివారిని దర్శించుకుని ప్రత్యేక పూజలు నిర్వహించి, తీర్థప్రసాదాలు స్వీకరించారు.
వినాయక నవరాత్రి ఉత్సవాల సందర్భంగా ఆలయ ప్రాంగణం భక్తులతో కిటకిటలాడుతుండగా, వివిధ అలంకరణల్లో దర్శనమిస్తున్న సిద్ధి గణపతి భక్తులను విశేషంగా ఆకట్టుకుంటున్నారు