telanagana
యాలాల శివసాగర్ ప్రాజెక్ట్ నుంచి వృథాగా పోతున్న నీరు
*పంటలకు అందాల్సిన సాగునీరు వృథా.. చర్యలు చేపట్టాలని మాజీ జడ్పీటీసీ డిమాండ్
యాలాల మేజర్ న్యూస్ (సెప్టెంబర్ 24):యాలాల మండల కేంద్రంలోని శివసాగర్ ప్రాజెక్ట్ తూము నుంచి నీరు వృథాగా బయటకు పోతుండటంపై ఆయకట్టు రైతులు ఆందోళన వ్యక్తం చేస్తున్నారు.ఇప్పటికే వర్షాభావ పరిస్థితులతో రైతులు ఇబ్బందులు ఎదుర్కొంటున్న తరుణంలో,పంట పొలాలకు అందాల్సిన నీరు వృథాగా పోవడం ఆందోళనకరంగా మారిందని పేర్కొన్నారు.ప్రాజెక్ట్ తూము వద్ద నీటి వృథాను అరికట్టి, ఆయకట్టు రైతుల పంటలకు సాగునీరు అందేలా అధికారులు తక్షణ చర్యలు చేపట్టాలని మాజీ జడ్పీటీసీ సిద్రాల శ్రీనివాస్ కోరారు.రైతుల ప్రయోజనాలను దృష్టిలో ఉంచుకుని సమస్యను వెంటనే పరిష్కరించాలని ఆయన విజ్ఞప్తి చేశారు.
