andhrapradesh
ట్రాన్స్ జెండర్లు మామూళ్ల పేరుతో వసూళ్లకు పాల్పడితే కఠిన చర్యలు సిఐ కౌలుట్లయ్య
అనంతపురం నగర పరిధిలోని మూడవ పట్టణ పోలీస్ స్టేషన్ సర్కిల్ లో దసరా మామూళ్ల పేరుతో అక్రమంగా వసూళ్లకు పాల్పడితే కఠిన చర్యలు తప్పవని సిఐ కౌలుట్లయ్య హెచ్చరించారు. ఈ సందర్భంగా ఆయన 3 టౌన్ పోలీస్ స్టేషన్ పరిధిలో ఉన్న వ్యాపారస్తులు వ్యాపార సముదాయాల యజమానులతో ప్రత్యేకంగా సమావేశాన్ని మూడవ పట్టణ పోలీస్ స్టేషన్లో నిర్వహించారు. ఈ సందర్భంగా అక్రమంగా వసూళ్లకు పాల్పడుతున్న వారి వివరాలను తమకు వివరిస్తే వారిపై చర్యలు తీసుకుంటామని ఆయన స్పష్టం చేశారు. వ్యాపార సముదాయాలు నిర్వహిస్తున్న వారు అప్రమత్తంగా ఉండి పోలీసులకు ఎప్పటికప్పుడు సమాచారాన్ని అందించాలని కోరారు.
