జిమ్‌ను ప్రారంభించిన ఎమ్మెల్యే గిడ్డి

పి.గన్నవరం. మేజర్ న్యూస్ :పి.గన్నవరం మండలంలోని ఐఓసీఎల్ పెట్రోల్ బంక్ వెనుక భాగంలో నూతనంగా ఏర్పాటు చేసిన వజ్ర జిమ్‌ను పి.గన్నవరం నియోజకవర్గ శాసనసభ్యులు గిడ్డి సత్యనారాయణ  ప్రారంభించారు.

ఈ సందర్భంగా ఎమ్మెల్యే  మాట్లాడుతూ యువత ఆరోగ్యంపై ప్రత్యేక దృష్టి సారించాలని, నిత్యం వ్యాయామం చేయడం ద్వారా శారీరక దృఢత్వంతో పాటు మానసిక ఉల్లాసం కూడా కలుగుతుందని తెలిపారు. యువత క్రీడలు, వ్యాయామం వైపు ఆసక్తి పెంచుకోవాలని ఆయన ఆకాంక్షించారు.

జిమ్ నిర్వాహకులకు శుభాకాంక్షలు తెలిపిన ఎమ్మెల్యే, యువతకు ఆరోగ్యకరమైన వాతావరణం కల్పించే ఇటువంటి కార్యక్రమాలను ప్రోత్సహించాలని కోరారు.

ఈ కార్యక్రమంలో కూటమి నాయకులు, కార్యకర్తలు, ప్రజాప్రతినిధులు, ప్రభుత్వ అధికారులు, శ్రేయోభిలాషులు తదితరులు పాల్గొన్నారు.