రూ.1.50 లక్షలకు గణేష్ లడ్డూ సొంతం

రూ.1.50 లక్షలకు గణేష్ లడ్డూ సొంతం

జై భీమ్ కాలనీలో లడ్డూ వేలంలో దక్కించుకున్న గ్రామ సర్పంచ్ గుండాల అశోక్

షాబాద్, మేజర్ న్యూస్ (సెప్టెంబర్ 23)

షాబాద్ మండలంలోని జై భీమ్ కాలనీలో గణేష్ నవరాత్రి ఉత్సవాల్లో భాగంగా

నిర్వహించిన గణేష్ లడ్డూ వేలం ఉత్సాహంగా సాగింది. ఈ వేలంలో గ్రామ సర్పంచ్ గుండాల అశోక్ రూ.1,50,000లకు గణేష్ లడ్డూను సొంతం చేసుకున్నారు.

భక్తులు, గ్రామస్థుల సమక్షంలో జరిగిన వేలంలో పోటీ ఆసక్తికరంగా సాగగా.. చివరకు సర్పంచ్ గుండాల అశోక్ అత్యధిక ధరకు లడ్డూను దక్కించుకున్నారు. గణేష్ లడ్డూను సొంతం చేసుకోవడం పట్ల భక్తులు హర్షం వ్యక్తం చేశారు. అనంతరం సర్పంచ్‌ను నిర్వాహకులు, గ్రామస్థులు శాలువాతో సన్మానించారు.ఈ సందర్భంగా గణేష్ ఉత్సవ కమిటీ సభ్యులు, భక్తులు, గ్రామస్థులు పాల్గొన్నారు.