విద్యుత్ సమస్యపై రైతుల ఆందోళన

సూర్య, మాక్లూర్ :మాక్లూర్ మండలం అడవి మామిడిపల్లి గ్రామంలో విద్యుత్ సరఫరా సమస్యలపై రైతులు ఆందోళనకు దిగారు. విద్యుత్ సమస్యలతో ఇబ్బందులు ఎదుర్కొంటున్న రైతులు 63వ జాతీయ రహదారిపై ధర్నా నిర్వహించి, సబ్‌స్టేషన్‌ను ముట్టడించారు. తమ సమస్యలను అధికారులు వెంటనే పరిష్కరించాలని డిమాండ్ చేశారు.వ్యవసాయానికి విద్యుత్ సరఫరాలో ఎదురవుతున్న ఇబ్బందులపై రైతులు నిరసన వ్యక్తం చేశారు. సమస్యలు పరిష్కరించే వరకు తమ ఆందోళనను కొనసాగిస్తామని రైతులు పేర్కొన్నారు. ఈ కార్యక్రమంలో మాజీ సర్పంచ్ మల్లారెడ్డితో పాటు పలువురు రైతులు, యువకులు పాల్గొన్నారు.విద్యుత్ సరఫరా సమస్యలను పరిష్కరించి, వ్యవసాయ పనులకు ఆటంకం కలగకుండా చర్యలు తీసుకోవాలని రైతులు సంబంధిత అధికారులను కోరారు.అనంతరం ట్రాన్స్కో అధికారులు వచ్చి హామీ ఇవ్వడంతో రైతులు ధర్నాను విరమించారు.