telanagana
వేలం పాటలో గణపతి లడ్డు దక్కించుకున్న ముస్లిం యువకుడు
సూర్య జగిత్యాల ప్రతినిధి: జగిత్యాల పట్టణంలోని గోవిందు పల్లె టీం సెవెన్ యూత్ గణేష్ మండపంలో గణపతి చేతిలోని లడ్డును గురువారం మంటప నిర్వాహకులు వేలం వేయగా రూ.70 వేలకు వేలం పాట పాడి ఒక ముస్లిం యువకుడు గణపతి లడ్డును దక్కించుకొని మతసామరస్యానికి ప్రతీకగా నిలిచాడు. గణేష్ నగర్ కు చెందిన ప్రముఖ గాయకుడు ఎం.డి అభి కుమారుడు మహమ్మద్ ఇషాన్ ముస్లిం మతస్తుడు అయినప్పటికీ కుటుంబ సభ్యుల ప్రోత్సాహంతో గణేష్ నవరాత్రుల సమయంలో భక్తిశ్రద్ధలతో ఉత్సవాలను నిర్వహించడమే కాకుండా ఉపవాస దీక్షను కూడా చేపడుతుండేవాడు. గణేష్ లడ్డూను రూ. 70 వేలకు దక్కించుకోవడం పట్ల ఇషాన్ ను పలువురు అభినందించారు.
