గురుకుల పాఠశాలలో అధికారులు

అకస్మాత్తుగా గురుకుల పాఠశాలను సందర్శించిన ఎంపీడీవో ఎంఆర్ఓ 

గోపాలపురం ,మేజర్ న్యూస్: 

గోపాలపురం మండలంలోని డాక్టర్ బి.ఆర్ అంబేద్కర్ గురుకుల  పాఠశాలను గురువారం ఎమ్మార్వో  లక్ష్మి, ఎంపీడీవో రాజ్ మనోహర్ అకస్మాత్తుగా సందర్శించారు. అకాల వర్షాల కారణంగా విద్యార్థులకు భోజనం మరియు త్రాగునీటి సౌకర్యాలను క్షేత్రస్థాయిలో పరిశీలించారు. అనారోగ్యంతో ఉన్న పిల్లలకు  ఎలాంటి జాగ్రత్తలు తీసుకుంటాం అనేది W. H. O. డాక్టర్ సుభాషిని తెలియజేశారు. వాతావరణం ప్రభావం వల్ల పిల్లలు అనారోగ్యం బారిన పడకుండా త్రాగడానికి వేడి నీళ్లు ఇస్తున్నామని చెప్పారు. రానున్న కాలంలో విద్యార్థులకు త్రాగునీటి సమస్య రాకుండా సత్య సాయి బాబా వాటర్ ట్యాంక్ ను పాఠశాలకు అందించాలని ప్రిన్సిపల్ కుసుమ కుమారి కోరారు. ఈ సందర్భంగా పిల్లల భోజనం పట్ల ఆరోగ్యం పట్ల జాగ్రత్తలు తీసుకుంటున్న ప్రిన్సిపాల్ కుసుమ కుమారి ఎమ్మార్వో, ఎంపీడీవో అభినందనలు తెలియజేశారు.