కూకట్‌పల్లి జ్యువెల్ హైట్స్‌లో ఘనంగా వినాయక నిమజ్జనం.. రూ. 3,02,000లకు లడ్డును దక్కించుకున్న సూర ప్రసేన్‌జిత్, శరత్ బృందం!

సూర్య తెలంగాణ డెస్క్: హైదరాబాద్‌లోని కూకట్‌పల్లి జ్యువెల్ హైట్స్ ప్రాంగణంలో వినాయక నిమజ్జన వేడుకలు అత్యంత వైభవంగా మరియు భక్తిశ్రద్ధలతో జరిగాయి. ఈ వేడుకల్లో భాగంగా స్థానిక నివాసితులు, భక్తులు భారీ సంఖ్యలో ఉత్సాహంగా పాల్గొని గణనాథునికి భక్తితో వీడ్కోలు పలికారు. ఈ వేడుకల సందర్భంగా నిర్వహించిన ప్రత్యేక లడ్డు వేలం పాటలో భక్తులు అత్యంత ఉత్సాహంగా పాల్గొని గణేష్ మహారాజ్ కి జై అంటూ నినాదాలు చేశారు.

ఈ వేలంలో సూర ప్రసేన్‌జిత్ మరియు శరత్ గారు సంయుక్తంగా అత్యంత భక్తిశ్రద్ధలతో ఏకంగా మూడు లక్షల రెండు వేల రూపాయలు (రూ. 3,02,000) చెల్లించి గణపతి ప్రసాదమైన లడ్డును పాట పాడి దక్కించుకున్నారు. స్వామివారిపై ఉన్న అంతులేని భక్తితో వారు ఈ భారీ మొత్తానికి లడ్డును సొంతం చేసుకోవడం విశేషం. ఈ వేడుకల సందర్భంగా మంటప ప్రాంతమంతా భక్తుల నామస్మరణతో మరియు గణేష్ మహారాజ్ కి జై నినాదాలతో పూర్తిగా మార్మోగింది.