శంకర్పల్లి ‘కే రాజా’ నిమజ్జనోత్సవానికి హాజరైన నందమూరి దీపికా జానకిరామ్
శంకర్పల్లి, మేజర్ న్యూస్ (సెప్టెంబర్ 24) : భవానీ నగర్ యూత్ ఆధ్వర్యంలో అత్యంత వైభవంగా నిర్వహించిన “శంకర్పల్లి కే రాజా” గణపతి నిమజ్జన మహోత్సవం భక్తిశ్రద్ధల నడుమ ఘనంగా సాగింది. ఈ కార్యక్రమానికి ఎన్.జే.ఆర్ (NJR) ట్రస్ట్ చైర్పర్సన్ శ్రీమతి నందమూరి దీపికా జానకిరామ్ ముఖ్య అతిథిగా హాజరయ్యారు.శంకర్పల్లికి చేరుకున్న ఆమెకు భవానీ నగర్ యూత్ సభ్యులు, నిర్వాహకులు పూలమాలలతో ఘన స్వాగతం పలికారు. అనంతరం ఆమె గణనాథుడిని దర్శించుకుని ప్రత్యేక పూజలు నిర్వహించారు. తీర్థప్రసాదాలు స్వీకరించిన తర్వాత మంగళహారతులు ఇచ్చి నిమజ్జన శోభాయాత్రను ప్రారంభించారు.ఈ సందర్భంగా నందమూరి దీపికా జానకిరామ్ మాట్లాడుతూ… ఐకమత్యంతో, భక్తిశ్రద్ధలతో వినాయక చవితి వేడుకలను నిర్వహించిన భవానీ నగర్ యూత్ టీమ్ను ప్రత్యేకంగా అభినందించారు. విఘ్నేశ్వరుని ఆశీస్సులు ప్రజలందరిపై ఉండాలని, ప్రతి ఒక్కరూ ఆయురారోగ్యాలతో, అష్టైశ్వర్యాలతో వర్ధిల్లాలని ఆకాంక్షించారు. గ్రామాభివృద్ధి, సేవా కార్యక్రమాల్లో యువత ముందుకు రావడం అభినందనీయమని పేర్కొన్నారు.ఈ కార్యక్రమంలో భవానీ నగర్ యూత్ కమిటీ ప్రతినిధులు, NJR ట్రస్ట్ సభ్యులు, పెద్ద సంఖ్యలో భక్తులు, గ్రామ ప్రజలు పాల్గొన్నారు.
