ఖోఖోలో యాలాల జెడ్పీహెచ్ఎస్ అదుర్స్..!
విజేతగా నిలిచి జిల్లా స్థాయి పోటీలకు దూసుకెళ్లిన విద్యార్థులు
యాలాల, మేజర్ న్యూస్ (సెప్టెంబర్ 24): స్కూల్ గేమ్స్ ఫెడరేషన్ ఆధ్వర్యంలో యాలాల జిల్లా పరిషత్ ఉన్నత పాఠశాలలో నిర్వహించిన కబడ్డీ, వాలీబాల్,ఖోఖో పోటీలు గురువారం ముగిశాయి.యాలాల,తాండూర్,బషీరాబాద్ మండలాలకు చెందిన ప్రభుత్వ, ప్రైవేటు పాఠశాలల విద్యార్థులు అండర్–14, అండర్–17 విభాగాల్లో బాలబాలికలు ఉత్సాహంగా పాల్గొన్నారు.గురువారం నిర్వహించిన ఖోఖో పోటీల్లో అండర్–17 విభాగంలో యాలాల జెడ్పీ ఉన్నత పాఠశాల విద్యార్థులు విజయం సాధించారు.పోటీలు పాఠశాల పీడీ,స్కూల్ గేమ్స్ ఫెడరేషన్ జోనల్ సెక్రటరీ రాజశేఖర్ పర్యవేక్షణలో జరిగాయి.ఈ సందర్భంగా సీనియర్ పీడీ అనంతయ్య మాట్లాడుతూ.. విద్యార్థుల్లో శారీరక దృఢత్వం,క్రమశిక్షణ,సమష్టి భావన పెంపొందించేందుకు క్రీడలు ఎంతో అవసరమన్నారు. పోటీలను విజయవంతం చేసేందుకు వివిధ పాఠశాలల పీఈటీలు సహకరించారని తెలిపారు. పాఠశాల ప్రధానోపాధ్యాయుడు సిద్రామేశ్వర్, పీడీ రాజశేఖర్ వారికి ధన్యవాదాలు తెలిపారు.పోటీల్లో ప్రతిభ కనబరిచిన విద్యార్థులు జిల్లా స్థాయిలో జరిగే పోటీల్లో పాల్గొనాల్సి ఉంటుందని స్కూల్ గేమ్స్ ఫెడరేషన్ సెక్రటరీ రాజశేఖర్ తెలిపారు.రిపోర్టర్ ప్రకాష్ గౌడ్
