శ్రీ రాజరాజేశ్వరి ఆలయంలో వైభవంగా ప్రదోష కాల పూజ
శ్రీ రాజరాజేశ్వరి ఆలయంలో వైభవంగా ప్రదోష కాల పూజ
నెల్లూరు కల్చరల్ మేజర్ న్యూస్
నెల్లూరు దుర్గామిట్ట లోని శ్రీ రాజరాజేశ్వరి అమ్మవారి దేవస్థాన ఉప ఆలయమైన శ్రీ మీనాక్షి సమేత శ్రీ సుందరేశ్వర స్వామి దేవస్థానంలో త్రయోదశి పర్వదినాన్ని పురస్కరించుకుని గురువారం ప్రదోష కాల పూజ అత్యంత వైభవంగా జరిగాయి. ఆలయ వేద పండితులు, అర్చకుల మంత్రోచ్ఛారణల నడుమ శ్రీ సుందరేశ్వర స్వామి వారికి, నందీశ్వరునికి విశేష అభిషేకాలు, పూజా కార్యక్రమాలు శాస్త్రోక్తంగా నిర్వహించారు.ఈ ప్రదోష కాల ప్రత్యేక పూజల్లో భక్తులు విశేష సంఖ్యలో పాల్గొని శ్రీ స్వామివారి అభిషేక మహోత్సవాన్ని తిలకించి తారకమంత్ర స్మరణ చేశారు. పూజా కార్యక్రమాల అనంతరం భక్తులందరికీ స్వామివారి పంచామృతం, పులిహోరను ప్రసాదంగా పంపిణీ చేశారు.
ఈ ఆధ్యాత్మిక కార్యక్రమాలు ఆలయ సహాయ కమీషనరు, కార్యనిర్వహణాధికారి నూతలపాటి శ్రీధర్ నాయుడు, ఆలయ ఛైర్మన్ ఏలూరు శిరీష ఆధ్వర్యంలో సమర్థవంతంగా సాగాయి.
