బీచ్ వాలీబాల్ విజేత వరుణ్ కుమార్

కందుకూరు, మేజర్ న్యూస్ (సెప్టెంబర్ 24) : సరూర్‌నగర్ స్టేడియంలో నిర్వహించిన రంగారెడ్డి, వికారాబాద్, మేడ్చల్ జిల్లాల స్థాయి బీచ్ వాలీబాల్ టోర్నమెంట్‌లో కందుకూరు ప్రభుత్వ జూనియర్ కళాశాల విద్యార్థి వరుణ్ కుమార్ ప్రథమ బహుమతి సాధించాడు.
ఈ పోటీల్లో మొత్తం 25 బాలుర జట్లు పాల్గొనగా, కందుకూరు ప్రభుత్వ జూనియర్ కళాశాలలో ఎంపీసీ ద్వితీయ సంవత్సరం చదువుతున్న వరుణ్ కుమార్ అద్భుతమైన ఆటతీరును ప్రదర్శించి విజేతగా నిలిచాడు.
విద్యార్థి సాధించిన విజయంపై కళాశాల ప్రిన్సిపాల్ మంగరాజు, ఫిజికల్ డైరెక్టర్ డా. ఎం. పర్వతాలు గౌడ్ హర్షం వ్యక్తం చేస్తూ వరుణ్ కుమార్‌ను ప్రత్యేకంగా అభినందించారు. టోర్నమెంట్‌ను విజయవంతంగా నిర్వహించిన టోర్నమెంట్ సెక్రటరీ డా. ఎం. పర్వతాలు గౌడ్‌తో పాటు ఫిజికల్ డైరెక్టర్లు బి. నరేష్, బిక్య నాయక్, ఈశ్వర్, చందర్‌లను పలువురు అభినందించారు.

రిపోర్టర్ : తోకల శ్రీనివాస్