కూకట్పల్లి జ్యువెల్ హైట్స్లో ఘనంగా వినాయక నిమజ్జన వేడుకలు.. భక్తిశ్రద్ధలతో దేవుడి పంచ కండువాను పాడుకున్న భక్తులు!
సూర్య తెలంగాణ డెస్క్: హైదరాబాద్లోని కూకట్పల్లి పదిహేనో ఫేజ్ జ్యువెల్ హైట్స్ ప్రాంగణంలో వినాయక నిమజ్జన వేడుకలు అత్యంత వైభవంగా మరియు భక్తిశ్రద్ధలతో నిర్వహించారు. ఈ వేడుకల్లో గణనాథుని నిమజ్జన ఘట్టం కనులపండువగా సాగగా, స్థానిక నివాసితులు, భక్తులు భారీ సంఖ్యలో ఉత్సాహంగా పాల్గొన్నారు. ఈ సందర్భంగా ప్రత్యేక పూజలు నిర్వహించిన అనంతరం స్వామివారి పవిత్ర పంచ కండువాను దక్కించుకునేందుకు భక్తులు పోటీపడ్డారు.
ఈ వేడుకల్లో భాగంగా నిర్వహించిన వేలంలో రామప్రసాద్ అనంత రాజు దంపతులు అత్యంత భక్తిభావంతో ఏకంగా పదిహేడు వేల రూపాయలు (రూ. 17,000) చెల్లించి దేవుడి పంచ కండువాను పాడుకున్నారు. స్వామివారిపై ఉన్న అంతులేని భక్తితో వారు ఈ నిధిని సమర్పించి కండువాను దక్కించుకోవడం విశేషం. గణేష్ ఉత్సవ కమిటీ ఆధ్వర్యంలో జరిగిన ఈ వేడుకల్లో మంటప ప్రాంతమంతా భక్తుల నామస్మరణతో మార్మోగింది. నిమజ్జన యాత్ర కన్నులపండువగా సాగగా, భక్తులు నృత్యాలు చేస్తూ వినాయకుడికి కన్నీటి వీడ్కోలు పలికారు.
