ఉపాధి హామీ పనులను క్షేత్రస్థాయిలో పరిశీలించిన ఎంపీడీవో

సూర్య.బెజ్జుర్: కొమరం బీమ్ ఆసిఫాబాద్ జిల్లా బెజ్జూర్ మండలంలోని మార్తిడి గ్రామపంచాయతీ పరిధిలో ఉపాధి హామీ పథకం కింద కొనసాగుతున్న పనులను ఎంపీడీవో ప్రవీణ్ కుమార్ క్షేత్రస్థాయిలో పరిశీలించారు. ఈ సందర్భంగా పనుల పురోగతి, కూలీలు చేస్తున్న పనులు, మస్టర్ల నిర్వహణ, పనుల కొలతలను పరిశీలించి సంబంధిత సిబ్బందికి పలు సూచనలు, సలహాలు ఇచ్చారు.ఉపాధి హామీ కూలీలు అధికారులు నిర్దేశించిన కొలతల ప్రకారం పనులు చేయాలని సూచించారు. పనుల్లో నాణ్యత పాటిస్తూ, నిర్ణీత కొలతలకు అనుగుణంగా పని పూర్తి చేయాలని కూలీలకు, మేటీలకు సూచించారు. పనుల నిర్వహణలో ఎలాంటి లోపాలు లేకుండా సంబంధిత సిబ్బంది పర్యవేక్షించాలని ఎంపీడీవో ప్రవీణ్ కుమార్ తెలిపారు.