చెరకు రైతుల రౌండ్ టేబుల్ సమావేశం విజయవంతం చేయండి

రేగిడి,  సూర్య్ : నెల 16 తేదీన విజయవాడలో జరుగనున్న చెరకు రైతుల రౌండ్ టేబుల్ సమావేశాన్ని విజయవంతం చేయాలని చెరకు రైతుల పరిరక్షణ సమితి ఆధ్వర్యంలో మంగళవారం రేగిడి గ్రామంలో ఆహ్వాన పత్రం ను విడుదల చేశారు.విజవాడలోని హనుమాన్ పేట నందు గల దాసరి నాగభూషణ భవనంలో ఉదయం 10గంటలకు రాష్ట్ర స్థాయి రౌండ్ టేబుల్ సమావేశం నిర్వహించడం జరుగుతుందని ఈ సమావేశంలో చెరకు రైతులు పాల్గొని జయప్రదం చేయాలని కోరారు.ఈ సందర్భంగా చెరకు రైతుల సంఘం రాష్ట్ర ప్రధాన కార్యదర్శి బుడితి అప్పలనాయుడు మాట్లాడుతూ ఉత్తరాంధ్ర లో ఉన్న ఏకైక సంకిలి ఈఐడి ప్యారీ షుగర్ ఫ్యాక్టరీ ని ఎల్ నినో ప్రభావం పేరు చెప్పి 2027-28 క్రషింగ్ సీజన్ లో మిల్లు మూసివేస్తామన్న ప్రకటన యాజమాన్యం వెంటనే ఉపసంహరించుకొని గతం వలె రాయితీలు ఇచ్చి చెరకు పంట సాగును ప్రోత్సాహించాలని ఈ మధ్య కాలంలో జరిగిన చర్చల్లో తదుపరి యాజమాన్యం తన నిర్ణయాన్ని త్వరగా ప్రకటించాలని ఆయన విజ్ఞప్తి చేశారు.

రిపోర్టర్ : రాము నాయుడు, రేగిడి, విజయనగరం జిల్లా.