telanagana
శంషాబాద్ ఎయిర్‌పోర్టులో కలకలం.. ఇండిగో విమానానికి బాంబు బెదిరింపు
హైదరాబాద్‌లోని శంషాబాద్ రాజీవ్ గాంధీ అంతర్జాతీయ విమానాశ్రయంలో అహ్మదాబాద్ నుంచి వస్తున్న ఇండిగో విమానానికి బాంబు బెదిరింపు రావడంతో తీవ్ర కలకలం రేగింది. విమానంలో బాంబు ఉందనే హెచ్చరిక అందడంతో ఎయిర్‌పోర్ట్ అధికారులు మరియు సీఐఎస్‌ఎఫ్‌ (CISF) సిబ్బంది వెంటనే అప్రమత్తమయ్యారు. విమానం శంషాబాద్ ఎయిర్‌పోర్ట్‌లో ల్యాండ్ అయిన వెంటనే భద్రతా నిబంధనల ప్రకారం దానిని ఐసోలేషన్ బేకు తరలించారు. అనంతరం ప్రయాణికులందరినీ సురక్షితంగా కిందికి దించి, బాంబ్ స్క్వాడ్ మరియు డాగ్ స్క్వాడ్ బృందాల సహాయంతో విమానంలో క్షుణ్ణంగా తనిఖీలు చేపట్టారు. ఈ ఘటనకు సంబంధించి మరిన్ని వివరాలు తెలియాల్సి ఉంది.
