మృతురాలి కుటుంబానికి ఆర్కపల్లి సర్పంచ్ రూ. 5వేల ఆర్థిక సహాయం

మాడ్గుల మండలం ఆర్కపల్లి గ్రామానికి చెందిన సీత రాములమ్మ గతకొంత కాలంగా అనారోగ్యంతో బాదపడుతూ గురువారం రాత్రి మృతిచెందింది. ఈ మేరకు విషయం తెలుసుకున్న గ్రామసర్పంచ్ కల్లు భాగ్యలక్ష్మితిరుపతి రెడ్డి స్థానిక ఉపసర్పంచ్, వార్డుసభ్యులు, గ్రామస్థులతో కలిసి శుక్రవారం సీత రాములమ్మ మృతదేహానికి పూలమాలలు వేసి నివాళులర్పించారు. అనంతరం మృతురాలి కుటుంబీకులను ఓదార్చి తక్షణ సహాయంగా 5వేల రూపాయల ఆర్థిక సహాయం అందజేశారు. మృతురాలి కుటుంబీకులను పరామర్శించినవారిలో సర్పంచ్ తో పాటు ఉపసర్పంచ్ తోలు రవీందర్, 6వ వార్డుసభ్యురాలు సీత రాధమ్మప్రశాంత్, కాంగ్రెస్ సీనియర్ నాయకులు ఏర్పుల బిక్కయ్య, గ్రామస్తులు తోలు బిక్కయ్య, వెంకటేష్ తదితరులు ఉన్నారు.

---------

-ఆర్. నర్సింహ్మ, మేజర్ న్యూస్ : మాడ్గుల