శరన్నవరాత్రి ఉత్సవాలలో దుర్గా భవాని అమ్మవారికి ప్రత్యేక పూజలు నిర్వహించిన ఎమ్మెల్యే దంపతులు పట్లోళ్ల అనుపమ సంజీవరెడ్డి

నారాయణఖేడ్ మున్సిపల్ పట్టణంలోని మంగళ్‌పేట్‌లో గల శ్రీ దుర్గా భవాని అమ్మవారి ఆలయంలో శరన్నవరాత్రి ఉత్సవాలు అత్యంత వైభవంగా జరుగుతున్నాయి ఈ ఉత్సవాలలో భాగంగా అమ్మవారికి నిర్వహించిన ప్రత్యేక అభిషేక కార్యక్రమంలో నారాయణఖేడ్ శాసనసభ్యులు డాక్టర్ పట్లోళ్ల సంజీవరెడ్డి - అనుపమ దంపతులు పాల్గొని ప్రత్యేక పూజలు నిర్వహించారు అనంతరం ఆలయం ప్రాంగణంలో ప్రతిష్టించిన శ్రీ దుర్గా భవాని అమ్మవారిని దర్శించుకుని, నియోజకవర్గ ప్రజలందరిపై అమ్మవారి ఆశీస్సులు ఎల్లవేళలా ఉండాలని, ప్రజలంతా సుఖసంతోషాలతో, ఆయురారోగ్యాలతో వర్ధిల్లాలని ప్రత్యేక పూజలు చేశారూ ఈ కార్యక్రమంలో ఆలయ కమిటీ సభ్యులు, ప్రజాప్రతినిధులు, నాయకులు, కార్యకర్తలు మరియు పెద్ద సంఖ్యలో భక్తులు పాల్గొన్నారు.